Infeksioni i rëndë preku foshnjën në bark, nëna: Do të mbaj barrën e fajit përgjithmonë

Bree Pennie ishte 20 javë shtatzënë, kur, pa dijeninë e saj, fëmija ende i palindur ka marrë citomegalovirus (CMV). Tani, djali i saj, Dax, është 4 vjeç dhe si rezultat i virusit ai nuk mund të ecë ose të flasë, nuk është aspak i stërvitur dhe ka nevojë për ndihmë në shumicën e aktiviteteve të përditshme.




0 0

Infeksionet dhe mikrobet nuk i do askush, por rreziku i tyre është edhe më i lartë gjatë shtatzanisë. Bree Pennie ishte 20 javë shtatzënë, kur, pa dijeninë e saj, fëmija ende i palindur ka marrë citomegalovirus (CMV). Tani, djali i saj, Dax, është 4 vjeç dhe si rezultat i virusit ai nuk mund të ecë ose të flasë, nuk është aspak i stërvitur dhe ka nevojë për ndihmë në shumicën e aktiviteteve të përditshme.

Pennie nuk ishte në dijeni të CMV dhe thotë se ajo tani do të mbajë një “barrë të fajit” përgjithmonë. “Pyetja më e madhe që i bëj vetes është se çfarë mund të kisha bërë ndryshe,” shkruan nëna në Facebook.

CMV është një virus i zakonshëm që mund të prekë pothuajse të gjithë, por sistemi imunitar i një personi të shëndetshëm zakonisht nuk e lejon virusin të shkaktojë sëmundje. Një grua shtatzënë mund të kalojë CMV tek fëmija i saj kur virusi në gjakun e gruas kalon përmes placentës dhe infekton foshnjën. Ndërsa shumica e foshnjave të lindura me këtë sëmundje kurrë nuk tregojnë shenja ose nuk kanë probleme shëndetësore, disa foshnje kanë probleme shëndetësore që janë të dukshme që në lindje ose që zhvillohen më vonë gjatë foshnjërisë ose fëmijërisë.

Dax ishte 3 muajsh kur u diagnostikua me CMV kongjenitale dhe si rezultat i virusit ai u diagnostikua edhe me mikrocefali, paralizë cerebrale, polimikrogiri, humbje të dëgjimit, dëmtim të shikimit kortikal, vonesë të zhvillimit dhe epilepsi. Djali i vogël tani është 4 vjeç e gjysmë dhe nuk mund të ecë ose të flasë dhe duhet të mbështetet në ndihmën e të tjerëve për të kryer detyrat e përditshme.

“Dax është një legjendë e vogël, nuk ka dyshim për këtë,” shkruan nëna e tij. “Ai e ndriçon ditën me buzëqeshjen e tij të madhe dhe të qeshur, por realiteti është që nuk është e lehtë”.

 Për të shmangur ekspozimin ndaj CMV, gratë shtatzëna këshillohen të:

  • lajnë duart shpesh, sidomos pas kontaktit me fëmijët e vegjël;
  • shmangin kontaktin me lot dhe pështymë kur puthin një fëmijë;
  • shmangin ndarjen e ushqimit ose të pijeve nga të njëjtat enë si të tjerët;
  • mos prekin fytyrën derisa të lajnë duart pas trajtimit të pelenave dhe sendeve të tjera të kontaminuara.

Sikur nëna ta dinte këtë kur ishte shtatzënë, ajo mund të kishte qenë në gjendje të parandalonte përhapjen e infeksionit. “Për fat të keq, unë nuk isha në dijeni të CMV-së dhe kam barrën e fajit që do të mbaj përgjithmonë …”



Për të lënë një koment ju duhet të jeni regjistruar Identifikohu



Materiale te ngjashme

Besimi dhe dëshira për të...

Këta muaj kanë qenë, në mënyrë absolute, të vështirë për të gjithë. Meraku për shëndetin tonë, të fëmijëve, prindërve, të afërmve apo edhe shoqërisë kanë ndikuar shpesh gjendjen tonë emocionale...

Gruaja me dy mitra mban...

Rasti i një gruaje që zbuloi se ajo kishte dy mitra dhe ishte shtatzënë me nga një binjak në secilën prej tyre është konsideruar si "një në 50 milionë raste"...

A e dëmton fëmijën temperatura...

A po përjetoni temperturë në shtatzani? Nëse po, natyrisht që do të shqetësoheni nëse kjo do të ketë pasoja te fëmija juaj. Por para se të frikësoheni, merrni frymë thellë....

Koronavirusi nuk transmetohet gjatë lindjes

Koronavirusi nuk transmetohet gjatë shtatzanisë: kjo del nga një studim që Poliklinika e Milanos ka kryer mbi disa gra shtatzëna, të testuara pozitive për virusin, botuar në revistën shkencore British...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X