Çfarë emocionesh ndien një nënë që humb një fëmija gjatë apo pas shtatëzanisë?

Një abort mund të jetë shumë i dhimbshëm, mund t’ju bëjë të ndieni emocionet më të këqija që keni ndier ndonjëherë. Ajo mund të ndiejë humbje të besimit, inat, faj, trishtim, depresion, vështirësi në përqëndrim etj, edhe pse shtatëzania mund të mos ketë qënë në moshë të madhe. Gjithashtu gruaja mund të ndiejë edhe lodhje, vështirësi në të fjetur, humbje oreksi, shqetësime gjatë gjumit, episode të vazhdueshme së të qarit etj. Ndryshimi hormonal pas humbjes së shtatëzanisë mund të përkeqësojë edhe më tepër këtë situatë.

Një humbje e madhe, çfarë duhet të presim?

Kjo humbje përfshin 3 faza:

Gjendje shoku, refuzim: kjo nuk është e vërtetë. Unë u kujdesa shumë për veten time!

Inat/faj/depresion: pse mua? Sikur ta kisha ende… Unë e doja shumë një fëmijë, kjo nuk është e drejtë. Kjo është gjëja më e keqe që më ka ndodhur ndonjëherë.

Pranimi: më duhet ta pranoj. Skam çfarë të bëj më!

E pranova, tani çfarë më duhet të bëj?

• Qëndroni pranë personave që i doni dhe kryesisht pranë bashkëshortit tuaj. Mos keni frikë apo turp të kërkoni ndihmë.
• Mos u mundoni ta kaloni vetë.
• E lejoni veten të qajë, ta kalojë dhe më pas edhe ta kujtojë atë shtatëzani. Nëse do të bëni të kundërtën do ta keni të vështirë ta kapërceni atë që ndieni.