Pjesa më e madhe e bëjnë këtë duke mbajtur veshur të njëjtat rroba që kishin gjatë gjithë ditës. Kjo është një sjellje e zakonshme por që absolutisht duhet shmangur pasi mund të jetë e rrezikshme për shëndetin. Në fakt, rrobat që vishen gjatë ditës mbledhin baktere të çdo lloji.

Mos i vendosni aksesorët në shtrat

E njëjta gjë ndodh sigurisht kur ju keni zakon që të vendosni rroba në krevat dhe, më keq akoma, çantën: nga çanta e shpinës, tek ajo e krahut apo edhe e dorës. Në çantë bakteret shumëfishohen tre herë më shumë se sa sipër tualetit të WC, duke arritur ndonjëherë edhe në dhjetë herë më shumë nëse përdorni të njëjtën çantë çdo ditë.

Hiqni direkt këpucët dhe veshjet

Pra, rregullat e mira që duhen praktikuar në shtëpi? Hiqni këpucët, varni çantën në një vend larg rrobave dhe ndryshoni rrobat para se të futeni në shtrat. Kjo vlen për të gjithë, madje edhe më të vegjlit. Nëse këtë nuk dinë ta bëjnë vet, mësojini ju sapo ata të futen në shtëpi që të ndërrojnë rrobat. Ndërsa sa i përket pizhamave, ato duhet të ndërrohen vetëm pak para se të futeni në shtrat, në mënyrë që bakteret të mos përfundojnë mes çarçafëve.

Lani duart menjëherë

Sigurisht, një nga zakonet e mira për t’u adoptuar sa më shpejt kur ktheheni në shtëpi është të lani duart, një gjest themelor dhe i dobishëm për të zvogëluar infeksionet e çdo lloji, madje edhe ato tipiket të sezonit të ftohtë, siç është gripi apo ftohjet. Gjithashtu një ide e mire është të lani duart sa herë që prekni ushqimin dhe pasi të keni zhvendosur rrobat e pista për t’i vendosur në lavatriçe.

Lexo edhe: Sa shpesh dhe si t’i lajmë rrobat e palestrës pa i dëmtuar ato?