Hipospadia, cfare eshte dhe perse duhet operuar?

0 0

Cfarë është Hipospadia?

Hipospadia është një anomali e lindur e organeve gjenitale mashkullore e cila duhet të operohet në moshë të hershme. Kjo shkaktohet nga zhvillimi jo i mirë i uretrës (kanali urinar), problem që ndodh në rastet kur meatusi nuk lokalizohet tek maja e penisit por më poshtë. Kjo gjë pengon daljen e urinës. Ky keqforimim e ka origjinën e tij qysh në jetën embrionale.

Cilat janë format që mund të shfaqet Hipospadia?

  • Hipospadia anteriore: meatusi ndodhet drejt majës së penisit. Kjo është tipologjia më e shpeshtë e kësaj anomalie.
  • Hipospadia e mesme (media): kur meatusi ndodhet në zonën e mesme të penisit.
  • Hipospadia posteriore: kur meatusi ndodhet në bazën e penisit, në stroktum ose në zonën perineale. Kjo është forma më e rëndë e kësaj patologjie. Në këtë rast penisi i fëmijës mund të jetë i harkosur.

Si mund të trajohet ky problem?

Terapia e këtij problemi ka në thelb ndërhyrjen kirurgjikale, i cili është shumë i rëndësishëm si në aspektin funksional ashtu edhe në atë estetik.

Cfarë shkakton Hipospadia tek fëmija?

Nga ana funksionale mund të themi se fëmija ndien vështirësi në urinim si edhe dhimbje gjatë këtij proçesi. Në më të shumtën e rasteve fëmija nuk është në gjendje të urinojë në këmbë.

A ndikon kjo gjë në jetën seksuale të fëmijës?

Ndërhyrja kirurgjikale është e rëndësishme edhe përsa i përket aspektit seksual të fëmijës në momentin që ai ka arritur në moshë madhore. Duke qënë se Hipospadia shkakton harkosje të penisit, mashkulli do të ketë vështirësi në penetrim dhe ejakulim në rastet kur meatusi ndodhet në pozicion anormal.

Po ana estetike?

Duhet të theksojmë se ky problem ndikon negativisht edhe në psikologjinë e fëmijës duke filluar nga mosha e adoleshencës, kryesisht përsa i përket pamjes së jashtme.

Kur duhet të bëhet ndërhyrja?

Ndërhyrja duhet të bëhet brenda vitit të dytë të jetës, megjithatë mund të bëhet në disa raste edhe rreth moshës 5-6 vjeçare . Nuk këshillohet të bëhet ndërhyrje nga mosha 2-4 vjeçare, duke qënë se kjo mund të lerë në kujtesën e fëmijës një kujtim jo të mirë. Gjendja e fëmijës normalizohet 3-5 ditë pas operimit.

Lexoni edhe: Problemet me te shpeshta te urinimit te femijes






Për të lënë një koment ju duhet të jeni regjistruar Identifikohu



Materiale te ngjashme

Kur ke një fëmijë në...

Nëse ti ke një fëmijë Ujor, ja cfarë duhet të dish..: UJORI (21 janar - 19 shkurt) Ky fëmijë do të jetë gjithmonë origjinal. Ai është një novator i lindur...

A duhet të trajtohen dhëmbët...

Të mendosh se dhëmbët e qumështit, si të përkohshëm, nuk duhen mbrojtur është gabim. Jo vetëm që duhen larë me kujdes, por duhet pasur kujdes edhe në rast problemesh. Përndryshe...

Ilaçe të reja për trajtimin...

Gjithnjë e më shumë të rinj po vuajnë nga problemet e astmës, sëmundje që në situata të caktuara vështirëson frymëmarrjen. Deri më tani, trajtimi i astmës tek fëmijët bazohej te...

Kukulla për fëmijë, 6 sugjerime...

Më poshtë kemi përgatitur një listë me gjashtë flimat vizatimorë më të përshtatshëm e të bukur për t'i parë fëmijët tuaj gjatë periudhave të festave e pse jo edhe natën...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X