Ekspozimi ndaj herbicidit glifosat, shpesh mund të shkaktojë efekte të mundshme shëndetësore, dhe tek gratë shtatzëna shkakton dëme që shtrihen në tre breza. Ky përfundim është arritur nga një studim i Universitetit të Uashingtonit.
Kujdes ndaj fëmijëve të ardhshëm
Studiuesit kanë ekspozuar minjtë shtatzënë ndaj një doze të herbicidit të barabartë me gjysmën e minimumit të konsideruar të padëmshëm dhe gjenerata e parë e lindur nuk tregoi shenja të problemeve shëndetësore. Ndërsa tek brezi i dytë, shkruajnë hulumtuesit, vërehet një rritje dramatike në disa patologji testikulare, vezoret e gjendrat e qumështit, si dhe obeziteti. Për më tepër, te meshkujt e gjeneratës së tretë, hulumtuesit kanë parë një rritje prej 30% të sëmundjeve të prostatës, ndërsa 40% e femrave të gjeneratës së tretë kanë treguar rritje të sëmundjeve të veshkave.
Toksikologji gjeneruese
Më shumë se një e treta e femrave shtatzëna të gjeneratës së dytë kishin aborte spontane dhe 40% e minjve të gjeneratës së tretë ishin mbipeshë. Fenomeni quhet toksikologji gjeneruese, shpjegojnë autorët. Shkaku është ndryshimi epigenetik që herë është dominues herë i fshehtë në gjenin e caktuar.
Shkakton vdekje të qelizave
Ka të dhëna të shumta eksperimentale të kryera mbi qelizat embrionale që tregojnë sesi glifosati shkakton nekrozë dhe promovon vdekjen e programuar të qelizave, prandaj është një substancë gjenotoksike (e cila dëmton informacion gjenetik brenda një qelize), për më tepër herbicidi vepron si një ndërprerës endokrin.
Gjendet në ushqime
Glifosati nuk është i pranishëm vetëm te pemët dhe perimet, por në shumë ushqime si: makaronat, miell dhe ushqime që përmbajnë niseshte. Gjendet tek mishi, qumështi dhe derivatet e tij. Nuk është përdorimi rastësor që jep probleme, thonë ekspertët, por përdorimi i vazhdueshëm akumulohet me substanca të tjera toksike.
Për të lënë një koment ju duhet të jeni regjistruar Identifikohu