Transmetimi i hepatitit E kryesisht lidhet me konsumimin e mishit. Nuk ka shërim por parandalimi është thelbësor, sidomos gjatë shtatzënisë
Çdo vit rreth 600 mijë njerëz vdesin nga shkaqet që lidhen me hepatitin E, pothuajse në të gjitha vendet në zhvillim. Është vlerësuar se një e treta e popullsisë së botës ka pasur kontakt me këtë virus dhe se 20 milionë njerëz çdo vit e kontraktojnë infeksionin.
Shkalla e vdekshmërisë vlerësohet mes 1 dhe 3%. Gratë shtatzëna që kanë kontakt me këtë virus kanë 15-25% shanse për ta marrë atë. Shkaqet pse ekziston kjo përqindje e madhe është se deri në tremujorin e tretë bien faktorët imunolohjikë që kufizojnë aftësinë për të luftuar virusin.
Ku është më e përhapur
Hepatiti E është një sëmundje e nënvlerësuar kryesisht për shkak të mungesës së mjeteve diagnostike efektive. Është veçanërisht e përhapur në Azinë Jugore. Megjithatë, disa studime kanë treguar një prani të lartë të antitrupave edhe në mesin e popullatës së shëndetshme të vendeve të industrializuara (5-20%), gjë që tregon se virusi është gjithashtu i pranishëm në Evropë. Shkaku kryesor i ngjitjes së këtij virusi është ushqimi (mishi i papërpunuar nga derrat dhe derri i egër, por edhe pulat dhe gjelat). Në Itali psh, dyshohet se ky hepatit mund të merret edhe përmes ushqimeve si salçiçet.
Origjina ushqimore
Përveç konsumimit të ushqimit me mish të infektuar, transmetimit fekal-gojor, ujit të kontaminuar dhe transmetimit nga nëna-tek fëmija , ekziston edhe rreziku i transmetimit përmes transfuzioneve të gjakut. Ka një vaksinë, por ajo tregtohet vetëm në Kinë. Parandalimi më i mirë, themelor para së gjithash për gratë shtatzëna, konsiston në vëmendjen ndaj higjenës, konsumit të ushqimit dhe ujit, si dhe rritj ndërgjegjësimit për të bërë analizën sa më shpejt për të identifikuar lehtë infeksionin.
Lexo edhe: Kujdes! Hepatiti vret, vaksinohuni!
Për të lënë një koment ju duhet të jeni regjistruar Identifikohu