Ajo është shpallur e reja më e pasur në botë, mirëpo ja që edhe jeta e saj është plot me probleme, njëlloj si e njerëzve të zakonshëm.

Miliarderja Kylie Jenner ka rrëfyer në një postim në Instagram se vuan nga ankthi dhe se pas lindjes së vajzës së saj ajo ka pasur plot ulje-ngritje.

Kylie na tregon në rrjetet sociale jetën përrallore që ajo bën, mirëpo siç e thotë edhe vetë në rrjetet sociale është vetëm sipërfaqja e jetës së saj.

Më e vogla e klanit Kardashian ka dhënë edhe një mesazh për të gjithë njerëzit me postimin që po bën gjithë xhiron e rrjetit.

Postimi i Kylie-t në Instagram:

Jam krenare me veten, zemrën time dhe fuqinë time. Të rritesh me miliona sy që të shohin nuk është normale. Kam humbur shokë e shoqe gjatë rrugës dhe veten disa herë. Tatuazhi im i parë ishte ‘sanity’ për t’i kujtuar vetes çdo ditë për ta mbajtur (mendjen të shëndoshë). Kam vuajtur nga ankthi gjatë gjithë jetës sime si e rritur dhe pasi lindi bebi u përballa me ulje-ngritje.

Ndihesha sikur duhet të rigjeja sërish veten. Mbajta shumë për vete por thjesht dua ta ndaj me ju dhe t’ju them se jam njeri. Jeta ime nuk është perfekte dhe ajo që shihni këtu në median sociale është vetëm sipërfaqja. Tregohu i butë me veten, ec para dhe harro. Të gjithë jemi të aftë për gjëra të mëdha, meritojmë dashuri, dhe na lejohet të shprehim vetëveten. Bëj më shumë gjëra që të bëjnë të lumtur dhe mos kërko falje”.