Pjesa dërrmuese e grave që kryejnë një abort nuk pendohen për vendimin për t’ju nënshtruar procedurës, sipas një studimi të ri të botuar në revistën akademike Social Science & Medicine të dielën.

Studiuesit hulumtuan 667 gra në 21 shtete në SH.B.A në shumë raste gjatë një periudhe pesë-vjeçare, duke përcjellë emocionet e secilës grua për vendimin e tyre për të kryer një abort. Rreth 95% e grave treguan se ato besojnë se përjetimi i një aborti ishte vendimi i duhur gjatë studimit.

Studimi pyeti pjesëmarrëset nëse kishin ndonjë emocion trishtimi, faji, lehtësimi, keqardhjeje, zemërimi ose lumturie për vendimin e tyre. Ndjenja e lehtësisë ishte emocioni më i zakonshëm gjatë pesë viteve të studimit.

“Për vite me radhë … ekziston një besim ose një pretendim se ne me të vërtetë duhet të mbrojmë gratë nga dëmi emocional nga i cili do të vuajnë shumë prej tyre kur pësojnë një abort,” tha Corinne Rocca, autorja kryesore e studimit dhe profesore në Universitetin e Kalifornisë në San Francisko. “Nuk kishte asnjë provë që të tregonte se ishte e vërtetë.”

Shtete të shumta kërkojnë këshilla të detyrueshme për abortin dhe periudha të pritjes që përfshijnë informacione për përgjigjen emocionale negative për të bërë një abort. Ekziston një përpjekje e vazhdueshme nga grupet kundër abortit dhe politikanët konservatorë socialë për të miratuar ligje të ashpra të reja për abortin në SH.B.A – përfundimisht duke kërkuar të rrëzojnë vendimin historik Roev Wade që legalizoi abortin.

Studimi i ri vëren se emocionet e përziera, për shembull faji i përzier me lehtësim, janë të zakonshme për gratë direkt pasi kryejnë një abort, por “të dy emocionet pozitive dhe ato negative u ulën gjatë dy viteve të para dhe u zëvendësuan pas kësaj, perceptimi i një vendimi  të drejtë mbeti i lartë dhe i qëndrueshëm”.

Autorët e studimit shkruajnë se studimi i ardhshëm duhet të përqendrohet në faktorë specifikë të cilët shkaktojnë që gratë të përjetojnë emocione negative ose të pendohen për abortin. Autorët gjithashtu vërejnë se megjithëse i panevojshëm sipas gjetjeve të studimit, këshillimi për abort, nëse ofrohet, duhet të përqendrohet në ndihmën për të përballuar stigmën e kryerjes së një aborti.

Hulumtimi i ri pason një studim tjetër, i udhëhequr gjithashtu nga Rocca, botuar në revistën akademike PLOS One në 2015 që anketoi 667 gra në një periudhë tre vjeçare dhe kishte rezultate të ngjashme: 95% e grave thanë që aborti ishte vendim i drejtë për to.

Lexo edhe: Dy abortet e mia nuk ishin vendime të gabuara