Gratë po i drejtohen kanabisit për të trajtuar dhimbjet e periodave

0 0

Shumica e grave thonë se do të përdornin kanabis për të trajtuar dhimbjet menstruale dhe lloje të tjera të dhimbjes gjinekologjike, tregon një sondazh i ri.

Studiuesit në Universitetin e Shëndetit dhe Shkencës në Oregon intervistuan më shumë se 1,000 gra anembanë SHBA-ve.

Gjashtëdhjetë për qind e tyre kishin përdorur kanabis, kryesisht (36 për qind) për të trajtuar dhimbjet, depresionin dhe ankthin.

Për më tepër ato që nuk e kishin përdorur këtë drogë nuk ishin kundra përdorimit të saj.

Në të vërtetë, pothuajse dy të tretat e grave që kurrë nuk kanë përdorur kanabis (63 %) thanë se do ta merrnin drogën në përpjekje për të lehtësuar dhimbjen e tyre gjatë periodave.

Këto zbulime vijnë pasi shtetet anembanë SHBA-ve kanë vite që mendojnë nëse në rastet e grave me dysmenorrhea (dhimbje të rënda menstruale) mjekët të shtojnë marijuanën si medikament.

“Produktet e kanabisit janë aktualisht duke u përdorur nga gratë si mjete  mjekësore. Shumica e grave do të merrnin në konsideratë  përdorimin e kanabisit për të trajtuar problemet gjinekologjike:, – tha autori kryesor Katie Alton.

Tetëdhjetë për qind e grave përjetojnë dhimbje të menstruacioneve të forta, në pjesën e poshtme të barkut, ndërsa disa prej tyre kanë dhimbje në kofshë, shpinë ose gjoks.

Një në 10 gra provojnë dhimbje aq intensive sa është e krahasueshme me një atak në zemër.

Dhe akoma, nuk ka trajtim, përveç marrjes së ibuprofenit, i cili, për disa, mund të nënkuptojë gjashtë pilula në ditë, për një javë, çdo muaj.

Marrja e rregullt e Tylenol ose Advil mund të irritojë zorrën, duke përkeqësuar frymëmarrjen dhe duke përkeqësuar dhimbjet nga periodat.

Ndërsa SHBA-të po përpiqen të shmangin pilulat që qetësojnë dhimbjet kronike, toka është pjellore për alternativa të tjera- dhe industria e kanabisit që lulëzon nuk ka humbur kohë.

Megjithatë, asnjë studim deri tani nuk ka treguar se kanabisi funksionon vërtet dhe ka efekt të mirë. Por ndërsa mjekët dhe ligjvënësit zgjidhin këto çështje duket se gratë nuk presin pasi ato marrin vetë kanabis për qetësimin e dhimbjeve.

Mjekët thonë se nevojiten studime klinike, por nuk e mohojnë se marijuana mund të jetë shërimi për shumë dhimbje menstruale.

Lexo edhe: Si ndikon marijuana ne spermen e burrave dhe ne shendetin riprodhues?



Për të lënë një koment ju duhet të jeni regjistruar Identifikohu



Materiale te ngjashme

A mund të konsumoj peshk...

Peshku shpatë në shtatzani Konsumi i peshkut gjatë shtatzanisë rekomandohet absolutisht për shëndetin e mirë të nënës dhe fëmijës. Sidoqoftë, ka disa peshq që duhet të shmangen gjatë shtatzanisë, sepse...

Vështirësitë e nënës së re...

Amy Schumer ka qenë jashtëzakonisht e sinqertë për çdo pjesë të rrugëtimit të saj të të bërit nënë - nga beteja e saj me të vjellat e tmerrshme deri në...

Pse çdo shtatzënë duhet ta...

Shtatzënia e juaj është e planifikuar ose jo. Ndoshta për këtë ke pritur me vite, ndoshta ka ardhur si një befasi e këndshme. Asgjë nga kjo nuk ka rëndësi, tani...

Çfarë mund të bëjë partneri...

Ju mund të mendoni se shtatëzania e parë do të ishte një gjë mjaft e thjeshtë për t’u fshehur gjatë javëve të para të odisesë 9-mujore. Në fund të fundit,...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X