Ushqyerja me gji redukton shanset tuaj për t’u prekur nga goditja në tru me 23% gjatë viteve. Pas shqyrtimit të faktorëve të rrezikut siç janë mosha dhe historia  e familjes, hulumtuesit e Universitetit të Kansasit zbuluan se rreziku i goditjes ishte ulur me 23% për të gjitha gratë që kishin ushqyer me gji.

Shkaqet janë të panjohura

Megjithatë, nuk ishte e mundur të krijohej një marrëdhënie shkak-pasojë ndërmjet ushqyerjes me gji dhe gjasave të reduktuara të goditjes, gjë që do të thotë se mund të konsiderohen faktorë të tjerë mbrojtës.

Të paktën 6 muaj

Megjithatë, studiuesit ishin në gjendje të lexonin këto të dhëna në bazë të shumë karakteristikave dhe efektet e ushqyerjes me gji mbetën prioritet. Kjo është arsyeja pse gratë shtatzëna duhet të marrin në konsideratë vendimin për dhënien e gjirit si pjesë e planit të lindjes dhe të vazhdojnë të ushqejnë me gji për të paktën 6 muaj, në mënyrë që të marrin sa më shumë përfitime për vete dhe për fëmijën.

E barabartë me një ilaç për të shpëtuar jetën

Sipas Organizatës Botërore të Shëndetësisë, ushqyerja me gji i jep fëmijës ushqimin e nevojshëm për rritje të shëndetshme, duke e mbrojtur atë nga infeksionet dhe sëmundjet dhe duke promovuar një zhvillim më të mirë fizik dhe njohës. Implikimet pozitive për jetën dhe shëndetin e nënës janë gjithashtu të dukshme: periudhat më të gjata të dhënies gji reduktojnë rrezikun e kancerit të gjirit, vezoreve dhe hipertensionit.

Ta dini!

Sipas UNICEF-it, çdo vit në botë 7,6 milionë fëmijë nuk ushqehen me gji: 21% e foshnjave të lindura në vendet me të ardhura të larta nuk kanë marrë qumështin e gjirit, ndërsa në ato me të ardhura të ulëta dhe të mesme shkalla është 4% .

Lexo edhe: 7 menyra per te minimuzuar rrezikun e goditjes ne tru