Një mësuese në Oklahoma Karen Wunderlich Loewe, është bërë virale këtë javë pasi postoi një aktivitet në lidhje me rikthimin në shkollë pas pushimeve, që u bë dita e saj më emocionuese në karrierën mbi 20- vjeçare.

“Kam provuar një aktivitet të ri të quajtur “Aktiviteti i çantave”. Unë i pyeta fëmijët se çfarë do të thotë të mbash çanta dhe ata më së shumti thanë se ishte gjëja më e dëmshme që mbajnë në shpatullat e tyre”,- shpjegon mësuesja në postimin e saj.

Më pas ajo i kërkoi secilit fëmijë të shkruante gjërat që e shqetësonin në jetën e tyre, familjare dhe shoqërore, t’i palosnin letrat e tyre dhe t’i hidhnin nëpër klasë. Letrat e mbledhura tani janë varur në një çantë në derën e klasës, por përpara se letrat të futeshin në çantë fëmijët i morën një nga një dhe i lexuan para klasës.

Mësuesja tregon se shqetësimet e tyre përfshinin gjëra si: vetëvrasja, prindërit në burg, humbja e prindërve, humbja e kafshëve shtëpiake, frika nga vdekja, kanceri etj.

Mësuesja e vari qesen me letra në derë, për t’u kujtuar nxënësve se të gjtihë kanë probleme që ju rëndojnë si çanta me libra në shpinë.

Dhe kjo është një kujtesë shumë e mirë edhe për të rriturit për të qenë më të kujdesshëm me njëri-tjetrin.

Lexo edhe: Dita e parë e shkollës, ja çfarë duhet të bëjnë nënat