Në Skoci tashmë po shihet mundësia për të vaksinuar vajzat e reja për virusin papiloma (HPV). Virusi i papilomës është përgjegjësi i kancerit në qafën e mitrës, i pari tumor i njohur nga Organizata Botërore e Shëndetësisë si tumor totalisht me prejardhje nga një infeksion.

Që kur kjo vaksinë filloi të bëhej tek gratë e reja rreth një dekadë më parë, rastet e kancerit të qafës së mitrës në Skoci kanë rënë, thotë një studim i ri.

HPV është një nga infeksionet më të zakonshme seksualisht të transmetueshme. Vaksinimi mbron nga llojet HPV 16 dhe 18, të cilat shkaktojnë 70% të rasteve të kancerit të qafës së mitrës në mbarë botën.

Si pjesë e trajtimit të këtij lloji kanceri, u përfshi edhe këngëtarja Olivia Newton-John, e cila luajti një rol të fshehtë në qendrën kërkimore që mbante emrin e saj, duke thënë se kjo ishte ëndrra e saj për të çrrënjosur kancerin.

Në vitin 2008, Skocia filloi një program kombëtar për imunizimin e HPV-së. Vaksina, e cila mbron kundër HPV 16 dhe 18, është bërë e zakonshme tek vajzat e moshës 12 dhe 13 vjeç.

Studiuesit kërkuan vaksinimin dhe regjistrimin për afro 139 000 femra të lindura nga viti 1988 deri në vitin 1996, tek të cilat u shqyrtua qafa e mitrës në moshën 20 vjeçare.

Krahasuar me gratë e pavaksinuara të lindura në vitin 1988, gratë e vaksinuara të lindura në 1995 dhe 1996 kishin një reduktim prej 89% të infeksionit që shkakton kancerin e qafës së mitrës.

Sa më e re të ishte mosha e vaksinimit, aq më efektive ishte vaksina.

Rezultatet ‘dramatike’

Zbulimet theksojnë besueshmërinë e përdorimit të kësaj vaksine për efektivitetin e saj të hershëm dhe studiuesit mbështesin thirrjen e fundit për reagimin global rreth kancerit të qafës së mitrës, që është bërë nga Organizata  Botërore e Shëndetësisë.

“Ne duhet të punojmë për një botë ku ofrohen vaksina për të gjitha vajzat e reja dhe që familjet e tyre ta pranojnë vaksinimin. Ne gjithashtu duhet të zhvillojmë, të krijojmë burime dhe të shtojmë strategji më të efektshme, të realizueshme dhe kulturore që pranohen për të ndërgjegjësuar rreth shfaqjes së kancerit në qafën e mitrës”, thanë autorët.

Lexo edhe: Si te mbrohemi nga kanceri i qafes se mitres