Gazetarja dhe moderatorja e njohur Eni Vasili ishte dje përballë panelit të gazetarëve të vegjël në emisionin “Në kurthin e Piter Pan”. Kryefjala e gjithë bisedës ishte padyshim pritja e saj e ëmbël, jo vetëm me një, por me dy vajza, që pritet të vijnë në jetë në muajin korrik.
Gazetarja tregoi se çifti e dëshironte një shtatzani, por planet ishin shtyrë për shkak të angazhimeve profesionale dhe kur mësoi lajmin e bukur, u surprizua, duke e quajtur kështu një rastësi të planifikuar.
Personi i parë me të cilin ndau lajmin pasi ia tha mjekja ishte bashkëshorti.
Ndërsa dje për herë të parë, ajo tregoi se i kanë zgjedhur emrat e vogëlusheve, të cilat do të quhen Sofi dhe Nikol. Me këto zgjedhje, Eni tha se janë përpjekur të mbajnë afër vetes familjarët e tyre pasi Sofi quhej gjyshja e bashkëshortit të saj, ndërsa Nikol është përshtatja me emrin e të atit të gazetares.
Për të lënë një koment ju duhet të jeni regjistruar Identifikohu