Ushqyerja me gji mendohet gjithmonë si shumë e lehtë, por nuk është kështu. Shpesh disa gabime mund të dëmtojnë rëndë fëmijën.
7 gabimet gjatë gjidhënies që dëmtojnë fëmijën
- Nuk i kushtoni kohën e duhur ushqyerjes
Sipas ekspertëve të laktacionit, qumështi dhe përbërja e tij ndryshon edhe gjatë kohës që fëmija pi. Në fillim foshnja merr një qumësht të skremuar, pastaj qumështin e plotë. Fëmija ka nevojë për të dyja, prandaj është e nevojshme t’i jepni kohën e mjaftueshme për të pirë.
- Ushqyerja vetëm në orar
Sigurisht respektimi i orareve është shumë i mirë për fëmijën tuaj, por mos jini shumë të rreptë, sepse kështu do të kufizoni sasinë e qumështit që prodhon trupi juaj.
- Të qenit e hutuar gjatë ushqyerjes
Ushqyerja është një mënyrë shumë e mirë për të krijuar lidhje mes nënës dhe fëmijës. Nëse ju shpërqëndroheni nga diçka tjetër, do ta dëmtoni këtë lidhje.
- Konsumi i një sasie të madhe alkooli
Alkooli dëmton cilësinë e qumështit dhe rrjedhimisht fëmijën. Nëse do dilni dhe do të pini, shtrydheni paraprakisht qumështin, ruajeni në kushtet e duhura dhe jepjani fëmijës.
- Aplikimi i presionit në gjinj
Rrobat e shtrënguara janë kategorikisht të ndaluara kur ushqeni fëmijën me gji. Presioni i madh bllokon kanalet e qumështit dhe mund të shkaktojë mastit. Gjithashtu mos flini vetëm në një pozicion.
- Përdorimi i kurave popullore bimore pa konsultim
Shpesh produktet bimore janë të sigurta, megjithatë ju nuk duhet të vetemjekoheni pa konfirmimin e mjekut. Bimët kanë edhe efekte anësore.
- Të ndiheni të turpëruara nga ushqyerja me gji
Kjo është gjëja më e bukur që mund t’i ndodhë një nëne, prandaj nuk ka asnjë arsye që t’ju vijë turp. Mos u fokusoni se çfarë mendojnë të tjerët. Mendoni për të mirën tuaj dhe të fëmijës.
Lexo edhe: Sipas CNN, nenat gjidhenese bejne keto 5 gabime
Për të lënë një koment ju duhet të jeni regjistruar Identifikohu