Donte Palmer është një baba shembullor, i cili disa herë është bërë viral në rrjet për shkak të kujdesit që tregon për fëmijët e tij.

Në një nga postimet e tij, ai ka kërkuar të ndryshojë disa koncepte duke i bërë bebelinat një çështje dhe detyrë edhe për baballarët, jo vetëm për nënat.

“Dua të jem një baba prezent e aktiv, dhe është aq e rëndësishme që ne të pranojmë rolin aktiv që baballarët luajnë në jetën e foshnjave të tyre”, thotë ai. “Kalimi i kohës me fëmijët është një nga gëzimet më të mëdha në jetën time, por është zhgënjyese kur unë jam në banjën e meshkujve në ambiente publike dhe nuk ka një tavolinë që të ndërrosh foshnjën”.

Tani, Palmer po punon me një kompani bebelinash për fushatën e saj “Duajeni Ndryshimin” për të siguruar 5000 tryeza në banjat publike për të ndërruar fëmijët në Amerikën e Veriut deri në vitin 2021.

500 vendet e para janë identifikuar dhe instalimi pritet të përfundojë në javët e ardhshme.

A mendoni se kjo fushatë mund (duhet) të prezantohet edhe në Shqipëri?