Pre-eklampsia, diabeti e shumë shqetësime të tjera mund të shfaqen gjatë muajve të fundit të shtatzanisë të cilat sigurisht që nuk duhen nënvlerësuar. Cilat janë ato? Le të shohim disa komplikacione me te mundshme gjatë ditëve të fundit të shtatzanisë!
- Diabeti gestacional. Është një shqetësim që mund të shfaqet gajtë shtatzanisë duke filluar që nga java e 12-të e saj ose më vonë.
- Pre-eklampsia. Ky shqetësim mund të shfaqet rreth javës së 20-të të shtatzanisë, e cila mund të ketë pasoja në varësi të shkallës së saj. Në këtë rast rreziku për nënën mund të jetë hipertensioni.
- Sindroma “HELLP”. Kjo sindromë vjen si pasojë e pre-eklampsisë ose hipertensionit dhe mund të shoqërohet kryesisht me dhimbje stomaku, të përziera dhe të vjella, gjithashtu edhe nga një gjendje e përgjithshme jo e mirë. Në këtë rast lindja duhet të programohet sa më shpejt.
- Tensioni i lartë. Zakonisht ky problem shfaqet në trimestrin e fundit dhe situata duhet të konsiderohet alarmante nëse tensioni do të jetë 140/90.
- Plaçenta previa. Në këtë rast plaçenta mundtë bllokojë qafën e mitrës dhe për pasojë mund të nevojitet lindja me operacion duke qënë se fëmija do ta ketë të pamundur të kalojë në kanalin e mitrës.
- Pielonefriti. Është një infeksion urinar që përhapet edhe në veshkat. Kjo shkaktohet nga mbajtja e gjatë e urinës, dhe shkakton pikërisht vështirësinë e daljes së urinës. Simptomat janë: nevojë e shpeshtë për të urinuar, të vjella, temperaturë (në disa raste), djegie gjatë urinimit etj. Kjo mund të provokojë lindje të parakohshme.
Lexoni edhe: Ditet e fundit te shtatzanise apo pergatitja per lindje
Për të lënë një koment ju duhet të jeni regjistruar Identifikohu