Sipas mjekes Martina Carabetta, konsulente profesionale e gjidhënies në klinikën “Lattë coccole” në Romë, po jetojmë në një shoqëri mes dy tipe grash. Ato që arrijnë të ushqejnë më së miri me gji, dhe ato që kanë marrë këshillat e gabuara gjatë gjidhënies, apo nuk kanë marrë mbështetjen e duhur dhe për pasojë nuk kanë arritur të ushqejnë me gji beben e tyre.

Duke qënë kështu duhet të mos i kushtoni rëndësi shprehjeve pa kuptim të tipit:

• Je e sigurt se ke mjaftueshëm qumësht? Ky koment mund të bëjë nënën të hyjë në krizë duke qënë se ajo ndihet përgjegjëse për mirëqënien dhe ushqyerjen e fëmijës. Natyra e ka rregulluar shumë mirë këtë gjë, pra funksionon më së miri prodhimi i qumështit nëse e vendosni bebin të thithë mirë dhe shpesh.
• Prapë do t’i japësh të pijë? Po ai sapo e bërë këtë. Gjidhënia nuk bazohet në orare dhe tabela. Është fëmija që e vendos sa herë duhet të pijë dhe shpesh mund të bëhet fjalë edhe për nevojën që të jetë në kontakt me ju.
• Duhet ta peshosh para dhe pas ushqyerjes. Kjo krijon vetëm stres dhe asgjë më shumë. Peshimi duhet të bëhet maksimumi njëherë në javë.
• Duket si ujë, ndoshta nuk e ke të ushqyeshëm qumështin. Qumështi i nënës ka një përbërje të ndryshme nga ai i lopës. Ai e ndryshon ngjyrën dhe përbërjen shumë herë gjatë pirjes në varësi të nevojave të fëmijës.
• Qumështi jot është shumë i trashë. Ju nuk duhet të shqetësoheni sepse me qumështin e nënës fëmija asnjëherë nuk rrezikohet nga mbiushqyerja. Madje e mbron fëmijën nga obeziteti edhe në të ardhmen.
• E ka ngatërruar gjirin tënd me biberonin fallco. Në të vërtetë ndodh e kundërta. Fëmija ngatërron biberonin me gjirin nëse ja ofroni dhe përpiqet të ngushëllohet përmes tij. Pra ka pikërisht atë funksion, të zëvendësojë disi gjirin e nënës.
• Do ta llastosh nëse vazhdon kështu. T’i ofrosh gjirin fëmijës nuk është llastim, por një mënyrë për të plotësuar nevojat e tij ushqyese dhe për të hyrë në kontakt me të. Fëmija ka shumë nevojë të qëndrojë pranë jush.

Cilat janë shprehjet më pa kuptim që keni dëgjuar gjatë gjidhënies në mënyrë që përdoruesit e tyre, pas leximit të këtij materiali, të heqin dorë përfundimisht prej tyre?

Lexoni dhe:Kujtimet e nje nene, cfare dashuroj nga gjidhenia! 

')}