Që nga marsi i vitit të shkuar, me nisjen e pandemisë Covid-19, infektimi, vaksina, mbrojta, masat kufizuese e gjithçka tjetër lidhur me këtë problem kanë qenë kryefjala e bisedave tona. Mes nesh është krijuar një perceptim i përgjithshëm se janë “me fat” ata persona që e kanë kaluar njëherë Covid-19 e janë shëruar prej tij. Po të vëmë re, këta persona tregohen më pak të kujdesshëm, nga ideja se janë pajisur me “ushtarët mbrojtës” antitrupa, e nuk rrezikohen nga një infektim për herë të dytë.

Por, rasti i moderatores Fjoralba Ponari tregon të kundërtën. Ajo, edhe pse ka treguar kujdes maksimal pas infektimit për herë të parë, tashmë 7 muaj nga vera e vitit të kaluar, është prekur sërish nga Covid-19.

Këtë herë, edhe simptomat që po përjeton janë ndryshe nga ato të herës së parë dhe në kundërshtim sërish me bindjen e përgjithshme, hera e dytë nuk po kalon më lehtë se e para.

Në një bashkëbisedim me ndjekësit në rrjete sociale, ajo ka dhënë përgjigje për pyetjet që kanë pasur interes tek ata, duke ndarë kështu përvojën e saj të dytë me Covid 19.

Përgjigjet e moderatores, i gjeni në fotot e mëposhtme.

Ndërkaq, mes nesh nuk ka pse të shtohet frika, por vetëm vigjilenca e kujdesi dhe të mos krijojmë steriotipe se sa “me fat” është ai që e ka kaluar, apo sa më e lehtë është hera e dytë krahasuar me të parën.

Përsa kohë jemi në periudhë pandemie, duhet të respektojmë çdo masë të përcaktuar nga autoritetet shëndetësore e qeveritare dhe të bëjmë gjithçka kemi në dorë për të mbrojtur veten, familjarët dhe komunitetin ku jetojmë.