E kush tha se të rikthehesh në punë pasi ke sjellë në jetë një fëmijë është e lehtë? Nëna gjithmonë e konsideron dhe e përjeton këtë moment me vështirësi të madhe pasi në mendjen e saj qarkullojnë mendime nga më të ndryshmet në lidhje me fëmijën dhe kujdesin që ai ka nevojë.
Por kujdes! Nëna nuk duhet të dëgjojë disa shprehje nga personat që e rrethojnë!
- Si mund t’ja besosh fëmijën dikujt tjetër? Mendoni se ajo ka dëshirë ta bëjë këtë gjë? Por familja ka nevojë për të ardhura!
- Uroj që unë të mos ndahem asnjëherë nga fëmijët gjatë ditës. As ajo! Dhe madje asnjë nënë nuk e dëshiron këtë, por edhe puna ka rëndësinë e saj.
- Mos u mërzit, gjithsesi mund të kujdesesh për fëmijën gjatë natës. Ajo nuk ka vetëm natën, ka edhe pasditen, ka edhe ditët e pushimit dhe madje edhe disa orë në mëngjes.
- Fëmija i vogël do të ta ndiejë shumë mungesën. Edhe nënës do t’i mungojë, por ajo është duke u përpjekur të bëjë më të mirën për të.
- Nuk ndihesh aspak në faj? Përse një nënë duhet të ndihet në faj se punon për të mirën e familjes dhe fëmijës?
- Shtëpia ka shumë nevojë për ty. Ajo grua është zonjë shtëpie edhe pasi është kthyer nga puna!
- Ndoshta po të mos shkojë në punë kjo nuk do të kishte ndodhur… Mendoni se fëmijëve nuk ju ndodhin incidente apo nuk sëmuren ndërsa nëna është në shtëpi gjithë kohën?
- Sa shpejt kalon koha, këto momente nuk kthehen më. E dini se edhe fëmijët kanë nevojë të socializohen duke frekuentuar kopështet apo çerdhet?
- Ke një pamje shumë të lodhur. Si të mos e ketë një nënë që punon gjithë ditën, zgjohet herët në mëngjes, kujdeset për shtëpinë dhe fëmijën? E megjithatë dashuria që ajo merr është tepër e madhe.
Për të lënë një koment ju duhet të jeni regjistruar Identifikohu