Kjo është një recetë mjaft e thjeshtë dhe e shëndetshme, jo vetëm për përbërësit e saj që kanë shumë vlera ushqyese, por edhe për mënyrën e gatimit me shumë pak yndyrë.
Përbërësit:
- 2 copa fileto pule;
- 3 karota;
- 3 kunguj;
- pak vaj;
- pak gjalpë;
- kripë;
- piper të kuq;
- piper të zi;
- rigon.
Përgatitja:
Në fillim presim filetot në kubikë të vegjël, hedhim gjalpin dhe vajin në tigan (në sasi shumë të vogla) dhe shtojmë aty filetot. I lëmë të skuqen mirë dhe shtojmë erëzat sipas dëshirës. Kur të jenë pothuajse gati, i heqim mënjanë.
Ndërkohë, presim kungujt dhe karotat në rrathë të vegjël dhe i hedhim në tiganin ku skuqëm filetot, pa shtuar yndyrë. Vendosim një kapak që puthitet mirë, në mënyrë që perimet të përgatiten me avullin e tyre, duke qëndruar të buta dhe njëkohësisht të shëndetshme. Nuk shtojmë as ujë.
Në përfundim, shtojmë edhe filetot dhe pjata është gati.
Lexo edhe: Si të përgatisim supë krem pule pa blender?
Për të lënë një koment ju duhet të jeni regjistruar Identifikohu