A kanë fëmijët tuaj një pasion të papërmbajtshëm për dinozaurët? Atëherë ata janë më të zgjuar se mesatarja. Një studim i kohëve të fundit nxori në pah një lidhje midis kuriozitetit dhe interesit intensiv dhe inteligjencës.

Studimi

Para së gjithash, duhet thënë se pasioni për dinozaurët është shumë i zakonshëm tek fëmijët. Dashuria për këto kafshë, aq misterioze e interesante, i shtyn fëmijët të mësojnë emrat, karakteristikat dhe madje edhe llojet e ndryshme të specieve që ekzistuan në një kohë shumë të shkurtër. Kjo, sipas studiuesve, do të ishte optimale jo vetëm për të stimuluar kujtesën, por edhe për të zhvilluar aftësi të ndryshme gjuhësore.

Dinozaurët stimulojnë inteligjencën…

Të ashtuquajturit “Gjigandët Parahistorikë” mund të bëhen pothuajse një obsesion për një në tre fëmijë, të cilët kryejnë, përmes studimit të këtyre kafshëve, një hulumtim të plotë dhe aktiv. Kurioziteti dhe dëshira për të mësuar më shumë rreth temës, për të bërë pyetje, pra stimulon njohuri, studim dhe rrjedhimisht, inteligjencë.

Studimi i lartpërmendur u krye nga dy universitete amerikane, sipas të cilave pasioni për dinozaurët jo vetëm që i bën fëmijët më të vetëdijshëm, por edhe rrit vëmendjen, stimulon mendimin dhe aftësitë gjuhësore.

… dhe vetëvlerësimin

Paleontologu Kenneth Lacovara gjithashtu theksoi se tema e dinozaurëve gjithashtu arrin të japë besim dhe vetëvlerësim për fëmijët: ata e kuptojnë që është një tematikë e veçantë dhe ta njohësh atë thuajse do të thotë “superioritet” ndaj të rriturve. Jo të gjithë në fakt i njohin dinozaurët kaq plotësisht, gjë që u jep fëmijëve një gjendje fuqie që i bën ata të ndjehen të shkëlqyeshëm dhe të fortë.

Lexo edhe: Pse fëmijët e pabindur dhe të padisiplinuar janë më të lumtur