I dashur fëmija im i mesëm,

E di se kohët e fundit të duket sikur të kam lënë pas dore, sepse po kujdesem për vëllain tënd të vogël që sapo ka ardhur në jetë dhe po ndaj shumë kohë me vëllain e madh, të cilit po i jap disa detyra për të më ndihmuar e për t’u kujdesur për ty. Kujdesi për shtëpinë e gjithçka tjetër, duket se nuk na lë shumë hapësirë për të qëndruar bashkë, me ty, fëmijën tim të dytë.

Përpiqem çdo ditë të gjej kohë për ty në ditën time të ngarkuar dhe kur nuk mundem, kjo gjë më trishton pa masë.

Kur vëllain tënd të vogël e zë gjumi dhe i madhi del të luajë jashtë unë përpiqem të gjej mundësi për të përgatitur darkën. Në këtë kohë, të shoh ty që luan vetëm në shtëpi dhe pikëllohem shumë.

Papritmas, kuptoj se ditës po i vjen fundi dhe është koha e gjumit. Kur reflektoj mbi ditën që kemi kaluar, kujtohem se kisha shumë dëshirë të luaja me ty, por nuk munda. Doja shumë më beso, por nuk munda. Kishte shumë gjëra të tjera që duhet të bëja, por kjo nuk do të thotë se ti je më pak i rëndësishëm.

Dua të dish që të vëzhgoj gjatë gjithë kohës.

Unë të shoh sesi më sjell librin tënd të preferuar për ta lexuar.

Unë të shoh kur dëshiron të ulem pranë teje për të parë programin e preferuar televiziv.

Unë të shoh kur dëshiron që të dalim jashtë dhe të luajmë me top.

E shoh sa e shumë përpiqesh të kesh vëmendjen time në gjithçka që bën.

Ti je pothuajse 3 vjeç dhe je mjaft i pavarur për moshën tënde.

Më pëlqen mënyra se si tenton t’i veshësh vetë rrobat, apo si ushqehesh.

E di që familja jonë po ndryshon dhe po rritet,por dua që të dish se je po aq i rëndësishëm sa edhe vëllezërit e tu.

Dije se pavarësisht sesa e ngarkuar jam, gjithmonë do të gjej kohë për ty.

Dita kur ke lindur ishte një nga tri ditët më të rëndësishme të jetës sime. Por unë nuk dua vetëm të numëroj ditët që kanë kaluar, dua të vazhdoj të krijoj kujtime të rëndësishme me ty.

Por, tani për tani, më duhet të të lë të luash me tablet, ndërsa unë bëj detyra të tjera në shtëpi. Më beso, jam e ndërgjegjshme për problemet që shkakton teknologjia dhe ndihem fajtore që të lë kaq gjatë aty, por kjo është vetëm e përkohshme.

Do të gjejmë një bilanc së shpejti, të premtoj.

Derisa gjërat të balancohen, le të shijojmë ato momente që mundemi, sa herë të mundemi.

Një letër e publikuar nga një nënë për fëmijën e saj.

Lexo edhe: Kur vjen ne jete femija i dyte!

Sorry, there are no polls available at the moment.

')}