Qëndrimi i bebes në krahët e nënës është një nevojë fiziologjike dhe instiktive, pra nëna vepron në mënyrë instiktive duke e marrë gjithmonë në krahët e saj beben edhe nëse ai nuk qan. Në këtë rast nuk duhet të dëgjoni nëse ju këshillojnë të mos e bëni sepse fëmija mund të mësohet me vese.

Në lidhje me këtë ka një shpjegim shumë herë më të vlefshëm!

Në momentin që ju merrni në krahë fëmijën tuaj i përgjigjeni një nevoje natyrale që ai ka për t’u rritur në mënyrën e duhur në aspektin psikologjik dhe fizik. Pas lindjes ai do të dojë të qëndrojë vetëm me ju sepse jo pa qëllim ka qëndruar 9 muaj brenda jush! Duke qënë se në të shkuarën nënat tona nuk kishin kohën e mjaftueshme për të na mbajtur në krahë gjithmonë, duke qënë se kishin shumë fëmijë apo punë, kanë krijuar idenë të cilën vazhdojnë ta praktikojnë edhe sot se fëmija mësohet me vese nëse qëndron vazhdimisht në krah.

Ditët e sotme, duke qënë se kemi kushte më të mira jetese si edhe duke qënë se numri i fëmijëve që sjellim në jetë është më i vogël krahasuar me vite më parë, fëmijët kanë më shumë vëmendje nga prindërit. Ata marrin dashurinë dhe kujdesin e duhur për t’u rritur më mirë. NUk mund të mohojmë se ka ende persona që mendojnë se nuk duhet t’i përgjigjemi të gjitha të qarave të bebes, por e theksojmë sërish se kjo nuk e mëson fëmijën të jetë i pavarur apo mos ketë teka.

Rëndësia e kontaktit

Kontakti fizik me nënën është një nevojë fiziologjike e cila mundëson mbijetesën e tij jashtë barkut. Pas 9 muajsh në uterus vetëm krahët e nënës mund ta bëjnë atë të ndihet i qetë. Nëpërmjet kontaktit me lëkurën e saj ai do të ketë përfitime në lidhje me rritjen psiko-fizike pasi stimulohet ndjesia e sigurisë. Fëmija kështu do të ketë më shumë besim në të ardhmen. Pra nëse do të lini fëmijën të qajë do ta bëni atë tepër të pasigurt!

Lexo edhe:

 

Ja cfare ndodh ndersa mbani femijen ne krahe

Si te veprojme kur femija deshiron te qendroje gjithmone ne krahe?

 

 

 

')}