Një i porsalindur nuk ka kontroll mbi trupin e tij, prandaj natyra e ka pajisur me disa aftësi ose reflekse për të mbijetuar. Shpesh ato mund të duken si shfaqje nervozizmi, vetëmbrojtjeje, goditje, por do të zhduken me kalimin e muajve, kur fëmija të jetë në gjendje të kontrollojë trupin e lëvizjet e tij, duke qenë i vetëdijshëm për to.

Refleksi i thithjes– nëse i zgjasni gishtin ose gjirin fëmijës, ai do ta thithë menjëherë. Kjo është  e vetmja mënyrë e fëmijës për të mbijetuar nga uria, të cilën e bën në mënyrë të pavetëdijshme.

Refleksi i përqafimit– po ta lini fëmijën vetëm për disa sekonda të pambështetur diku, por ndërkohë të jeni duke e ruajtur, ai menjëherë do të zgjasë krahët rreth jush sikur do t’ju kërkojë ta merrni në krahë që të mos bjerë.

Refleksi i ecjes– nëse e mbani fëmijën tuaj të vogël nga sqetullat dhe e lini në tokë, edhe pse nuk e ka aftësinë për të ecur, ai do të bëjë hapa në vend.

Shtrëngimi i gishtit– nëse i afroni gishtin fëmijës, ai do t’a shtrëngojë fort, pasi kjo është mënyra e tyre për të kërkuar kontaktin me lëkurë, shumë të nevojshëm për të porsalindurin.

Kthimi i kokës dhe dorës në të njëjtën anë– kur fëmija është shtrirë në shpinë ai do të kthejë kokën nga njëra anë dhe do të nxjerë dorën në atë anë. Mjekët nuk dinë t’i japin shpjegim këtij instikti, por mendojnë se kjo e ndihmon fëmijën të përqëndrohet.

Nxjerrja e gjuhës– nëse provoni t’i jepni fëmijës ushqim me lugë, përpara moshës 4-6 muajsh, ai do ta shtyjë atë, sepse është instikti i mbrojtjes ndaj lëndëve të huaja. Prandaj edhe ushqimet e ngurta nuk fillohen përpara kësaj moshe.

Refleski i tërheqjes– nëse e afroni shumë fytyrën tuaj me të fëmijës, ai do të tërhiqet si një mënyrë për t’u vetëmbrojtur.

Lexo edhe: Si te kuptojme kur i porsalindur ka uri?

Sorry, there are no polls available at the moment.

')}