Dashuria e prindit është shumë e rëndësishme për fëmijën dhe për këtë arsye ata duhet ta ndiejnë atë çdo ditë. Ja si ta bëni atë edhe më të dukshme në çdo gjest!
- Mos e zgjoni në mëngjes duke bërtitur. Edhe pse mund të jeni me vonesë duhet ta zgjoni gjithmonë me puthje dhe përkëdhelje. Momenti i zgjimit është ai që do tëpërfaqësojë humorin e gjithë ditës në përgjithësi.
- Momenti i “natës së mirë”,një ritual dashurie. E puthni dhe ledhatoni, kjo do të bëjë që ai të flejë më i qetë.
- Gjatë vakteve fikni televizorin dhe mbani larg celularët. “Izolohuni” në shtëpinë tuaj dhe bashkë me fëmijët kuptoni magjinë e bisedave.
- I kushtoni kohë fëmijëve. Mund të jenë edhe vetëm 10 minuta, por cilësia e tyre vlen shumë.
- I buzëqeshni shpesh. Kjo është një “armë” e fortë që thyen heshtjen duke e mbushur me dashuri.
- E prekni vazhdimisht. Është e rëndësishme që gjatë bisedave jo vetëm ta shikoni në sy, por edhe ta prekni apo përqafoni.
- Mos e krahasoni. Kjo mund të shkaktojnë ankth tek fëmija.
- Respektoni fëmijën tuaj. Merrni gjithmonë në konsideratë preferencat dhe pakënaqësitë e tij.
- E lini të lirë të gabojë. Në disa situata të caktuara, fëmija duhet të mësojë duke gabuar.
- Bëhuni modeli i tij. Fëmijët rriten duke mësuar nga shembulli që ju i jepni dhe jo nga fjala që i shprehni.
Për të lënë një koment ju duhet të jeni regjistruar Identifikohu