Në momentin që fëmija është në kopësht apo me gjyshërit ka tendencën të sillet më mirë dhe të bindet me më lehtësi ndaj rregullave të vendosura. Këtë ata ja shprehin edhe nënës, duke i thënë shpesh edhe shprehje të tilla si “kur vjen ti bën kështu sepse me ne është sjellë shumë mirë, ka qënë shumë i qetë, na beso”. Dhe kjo është e vërtetë, ata nuk janë duke ju gënjyer. Edhe pse mund t’ju duket e çuditshme, fëmija mund t’i ngjajë një ëngjëlli ndërsa është në kopësht apo me gjyshërit, por sapo ju shikon juve kthehet në një uragan të vërtetë.
Cili është motivi i kësaj?
Për të gjetur arsyet janë bërë studime në Universitetin e Washington, të cilët kanë arritur në përfundimin se fëmija mund të menaxhohet më me vështirësi dhe ka tendencën të qajë më shumë, duke i kushtuar më pak rëndësi autoritetit së personave të rritur nëse nëna është mes tyre. Janë analizuar faktorët që çojnë në këtë përfundim, kapriçiot, të qarat, dëshira e fëmijës për të gjuajtur me dore si edhe mosbindja në rreth 500 familje. Është vërtetuar se të gjithë fëmijët nga mosha 8 mujore, janë në gjendje të qëndrojnë të qetë dhe të luajnë pa bërë zhurmë ndërsa nëna nuk ishte prezente. Sipas tyre fëmija kishte tendencën të përjigjej me një sjellje më tepër pozitive ndërsa komanda do të merrej nga një person që nuk ishte nëna i tyre.
Përse ndodh kështu?
Arsyeja kryesore sipas studiuesve lidhet me faktin se fëmija ka tepër besim tek nëna dhe ndihet më tepër i mbrojtur në ambientin ku ndodhet nëse ajo është e pranishme. Ai ka sigurinë se edhe nëse do të sillet keq, nëna nuk do ta braktisë asnjëherë. Ndikon gjithashtu edhe fakti se nëna është personi që është kujdesur më tepër për fëmijën dhe kështu ai e njeh më tepër nga të gjithë personat e tjerë.