Një djalë 15 vjeç në Romë ka humbur jetën për shkak të infeksionit të tmerrshëm të meningitit. Federiko kishte filluar të ndihej keq për shkak të temperaturës së lartë, e cila pavarësisht kujdesit të nënës së tij, që i dha ilaçe, nuk u ul. Kështu, ajo e çoi të birin në urgjencë, kur ndërroi jetë pas pak. Tani nëna shpreson që vdekja e tij të shërbejë, për t’i shtyrë prindërit të vaksinojnë fëmijët.

Një natë para se të ndihej keq, Federiko kishte dalë me miqtë e tij. Të nesërmen, rreth orës 5:30, Federiko e thirri nënën e tij, duke i shpjeguar se po ndihej ekq. Gruaja tha se djali i saj kishte një temperaturë shumë të lartë.

Mendova se ishte gripi dhe për këtë i dhashë ilaçe qetësuese, por temperatura nuk po ulej dhe kishte shumë ethe.

Federiko u shtrua me urgjencë

“Sapo mbërriti në spital, djali u shtrua urgjentisht. Mjekët kuptuan menjëherë se ishte meningiti, sëmundja e tmerrshme të cilës nuk i shpëtoi dot dhe që e vrau atë për disa orë. Ai ishte në karrocë, u zhduk prapa një dere dhe unë e përqafova kur ishte tepër vonë. Mjekët na thanë se ishte shumë serioze, se ishte meningiti. Nuk mund të gjeja paqe”,- tha nëna e dëshpëruar.

Ajo nuk mund të pushojë, nuk mund të kuptojë pse Federiko u sëmur dhe pse vdiq në një kohë kaq të shkurtër. Nëna e djalit ka vetëm një shpresë: që sakrifica e djalit të saj të mos jetë e kotë, por të ndihmojë prindërit e tjerë të ndërgjegjësohen për vaksinat.

Lexo edhe: Foshnja 4 muajsh vdes nga meningiti, apeli i prinderve