Angli, zgjerohet familja Redford
Njerëzit kanë pasione të ndryshme, por ka nga ata që kanë pasion të bëjnë fëmijë. Po, sepse familja Radford nuk ndalet: për familjen angleze, fëmija njëzet e dytë po vjen. Lajmi u bë i ditur drejtpërdrejt nga nëna Sue dhe babai Noel në kanalin e tyre në YouTube.
Çifti, me origjinë nga Morecambe (Angli), kishte premtuar të ndalej pas djalit të tyre të njëzet e një. Megjithatë, familja më e madhe në Evropë, është e destinuar të rritet, pasi prindërit njoftuan në kanalin Youtube se presin trashëgimtarin e njëzet e dytë, duke rrëfyer se duan një djalë të bukur.
Në video, Sue rrëfen se është 15 javëshe shtatzënë. Fëmija i njëzet e dytë do të lindë në muajin prillin të vitit të ardhshëm. Një njoftim befasues, ai i çiftit, veçanërisht pas fjalëve të gruas në The Sun pas ardhjes së fëmijës së fundit:
Mjaft fëmijë: ndalemi këtu. Do t’i hedh të gjitha rrobat e maternitetit. Të qenit shtatzënë nuk do të më mungojë fare. Tani thjesht do të kënaqemi me fëmijët dhe nipërit tanë.
Historia e jashtëzakonshme
Kur Sue mbeti shtatzënë për herë të parë, ajo ishte vetëm 14 vjeç. Megjithë moshën e vogël, vajza dhe i dashuri i saj i atëhershëm Noel vendosën të vazhdojnë shtatzëninë, duke lindur fëmijën e tyre të parë, Chris, i cili tani është tridhjetë vjeç. Pas tij ishin Sophie (25), Chloe (23), Jack (22), Daniel (20), Luke (18), Millie (17) Katie (16), James (15), Ellie (14), Aimee (13), Josh (12), Max (11), Tillie (9), Oscar (7), Casper (6), Hallie (3), Phoebe (2), Archie (18 muaj).
Fëmija i fundit, Bonny Raye, lindi më pak se një vit më parë. E gjithë familja jeton së bashku, përveç dy fëmijëve të parë, Chris dhe Sophie, të cilët janë martuar sot dhe jetojnë me partnerët e tyre.
Radfordët kanë llogarinë e tyre në Instagram të ndjekur nga 150,000 persona, veçanërisht të vëmendshëm ndaj dinamikës së një familjeje të jashtëzakonshme.
Për të lënë një koment ju duhet të jeni regjistruar Identifikohu