Ju ka ndodhur të pyesni veten nëse jeni duke bërë gjënë e duhur, pra nëse është normale që fëmija të ushqehet njëkohësisht me qumësht formule edhe me qumësht gjiri?
Qumështi i formulës është prodhuar për t’i ofruar fëmijës të gjthë elementët e nevojshëm për rritjen dhe zhvillimin e mirë duke qënë specifik për periudha të ndryshme të jetës si edhe për nevojat e fëmijës (anti-refluks, kundër kolikave etj). Pra sipas mjekëve nuk është e gabuar të kombinohet qumështi i gjirit me atë të formulës. Këtë zakonisht e praktikojnë më tepër edhe nënat që për një pjesë të caktuar të ditës duhet të jenë në punë.

Gjithashtu ushqyerja me qumësht formule bëhet edhe në rastet kur nëna:

• Vuan nga HIV apo tuberkulozi dhe nuk mund të ushqejë foshnjën e saj me gji si pasojë e lodhjes që ndien.
• Nëse fëmija në asnjë mënyrë nuk e kap gjirin dhe nëna detyrohet ta nxjerrë me pompë. Pjesën tjetër të ushqyerjes e plotëson me formulë.
• Mund të ushqehet me qumësht formule edhe fëmijët e nënave që kanë plagë shumë të mëdha tek thithat, pra të padurueshme.
• Nëna nuk ka gji mjaftueshëm të plotësojë nevojat e fëmijës,

Nëse ushqeni fëmijën në mënyrë të kombinuar duhet të dini se:

• Qumështin e formulës që duhet të përdorni e zgjedh mjeku perdiatër në varësi të nevojave të fëmijës.
• Prezantimi i qumështit të formulës tek bebet e ushqyera me gji duhet të bëhet në mënyrë graduale sepse në disa raste mund të shkaktojë komplikacione.
• Qumështi i formulës duhet të përgatitet gjithmonë në moment dhe duke ndjekur të gjitha rregullat e higjenës.
• Lexoni me kujdes të dhënat e kutisë së qumështit të formulës dhe nëse keni dyshimet tuaja duhet të flisni me mjekun pediatër.
• Gjatë ushqyerjes së fëmijës qëndroni në një vend të qetë, le të jetë ky një moment tepër intim mes të dyve edhe pse nuk jeni duke i dhënë gjirin por biberonin.

Si ka qënë eksperienca juaj me qumështin e formulës? Përse jeni detyruar ta filloni atë tek fëmija dhe si ka reaguar?

')}