Ditën e djeshme aktori dhe producenti Ermal Mamaqi ka festuar ditëlindjen më të trishtë të jetës së tij, në kushtet e një izolimi, për shkak të situatës me sëmundjen Covid-19.
Në një rrëfim shumë emocionues, ai tregon për takimin në distancë me prindërit dhe si i është dashur të shkojë deri te makina për të nxjerrë lotët e dhimbjes, që prindërit të mos e shihnin.
Përtej përjetimit të tij personal, Ermali gjithashtu jep një mesazh të fortë se këto janë gjërat më të rëndësishme të jetës si përqafimi me njerëzit e dashur dhe se duhet të mbajmë tjetër qëndirm ndaj gjërave që deri dje na mërzitnin.
“Miq faleminderit për urimet. Padyshim ditëlindja më e trishtuar.
Desha të ndaj diçka me ju…Sot paradite vajta te shpija prindërve dhe i lashë një tortë te dera. Zbrita 10 shkallë. Prita sa e hapën derën. I fola nga poshtë… filluan të dy të qanin. Unë prita të shkoj në makinë që të nxjerr lotët. Nuk di si t’ju them, dhe tani që po shkruaj më mbushen sytë. Si film dramatik. 2 minuta qëndruam, ata në derë e unë poshtë shkallëve. Çudi e madhe, kemi qëndruar larg njëri-tjetrit shumë herë më gjatë se kaq, dhe s’ka qenë shumë problem(të paktën nga unë), por sot ishte ndryshe. Sigurisht, gjithë kjo lemeri që po ndodh. Donim të perqafoheshim dhe nuk mundeshim. Se ku i dihet… Mund të jetë në trupat tanë dhe po ja ngjisim tjetrit… Nuk e kisha menduar që do jetonim kto kohë. Por është mirë.
Po ndjejmë përsëri mall për njëri-tjetrin. Po prekim ca dhoma të zemrës që ishin me pluhur. Dhe si gjithmonë në kto raste po bëhemi pishman për idiotësitë që mërziteshim në kohë paqeje.
E di që dhe juve ju mungojnë familjarët më shumë se kurrë kto ditë. E di që mund t’i keni lënë në shpitë e tyre. Ka disa që jetojnë vetëm atje ku janë…
Qëndroni të fortë.
Prapë jam i lumtur. Po pres… Është duke ardhur diçka shumë e mirë… Mos harroni. Dhuratat vijnë përmes problemeve. Ju përqafoj”, – ka shkruar Ermal Mamaqi.
Për të lënë një koment ju duhet të jeni regjistruar Identifikohu