Deri pak kohë më parë, mendohej se fëmija nuk ndiente asgjë ndërsa ishte duke ardhur në jetë, por sot e dimë që nuk është saktësisht kështu. Në të vërtetë bebet kanë ndjeshmëri, inteligjencë dhe eksperiencë, e fituar kryesisht gjatë 6 muajve të fundit të shtatzanisë. Këto karakteristika të rëndësishme do ta bëjnë atë të përshtatet më me lehtësi me ndryshimet e jetës që do të gjejë jashtë barkut të nënës.
David Chamberlain është psikologu që është interesuar në lidhje me ndjenjat që bebet provojnë sidomos gjatë lindjes. Ai në fakt është specializuar në lidhje me psikologjinë para dhe pas lindjes.
Cilat janë ndjesitë që përjeton bebi në momentin që është duke ardhur në jetë?
Ndërsa tapa mukoide ka plasur, ai do të jetë më shumë në gjendje të ndiejë zhurmat që vijnë nga jashtë dhe kjo do të zgjojë kuriozitetin e tij. Në këtë moment ai është tepër vigjilent dhe gati-gati mund të themi se dëgjon i përqëndruar dhe në disa raste edhe pa lëvizur. Ai e kupton që është momenti që do të dalë jashtë dhe do të kërkojë daljen. Në momentin që do të përjetoni një kontraksion ai do të ketë një ulje të nivelit të oksigjenit si edhe rritje të frekuencës kardiake. Gjithçka kthehet në normalitet në momentin që kontraksioni përfundon. Në momentin që ju jeni duke u zgjeruar deri në 10 cm dhe kontraksionet janë të forta, tek fëmija çdo kontraksion mund të çlirojë katekolaminën, hormonin e stresit. Kjo bën të mundur që tek fëmija të pompohet më tepër gjak në zonat që kanë më tepër oksigjen, pra në mushkëri dhe tru. Në këtë moment ju do të jeni hapur plotësisht dhe do të gjeni forcën të shtyni pas çdo kontraksioni edhe pse do të ndieni ankth dhe frikë. Në këtë moment fëmija kalon në kanalin e lindjes, del në fillim koka, shpatulla… dhe lindi!
Qetësohuni, mbështeteni në gjoks dhe përqafoheni. Ai do të ndiejë aromën tuaj dhe zërin, do të ndiejë paqe dhe sigurinë që kishte brenda barkut të nënës.