Rezultatet e një studimi amerikan jane befasuese, embrioni mund të riparojë në mënyrë autonome edhe gabimet gjenetike.

Si është e mundur kjo?

Një studim i udhëhequr nga profesorja Magdalena Zernicka-Goetz, në Universitetin britanik  të Cambridge, është publikuar në revistën “Nature communications” duke nxjerrë në pah faktin se qelizat me zhvillim jo normal në fillim të shtatzanisë jo domosdoshmërisht sjellin në jetë fëmijë me një patologji të caktuar. Kjo ndodh pasi qelizat jo normale zhduken me anën e një proçesi qelizor të programuar, duke i lejuar kështu qelizat e shëndetshme të zëvendësojnë ato me probleme. Në këtë mënyrë fillon të zhvillohet një embrion i shëndetshëm.

Studimi filloi nga një problem vetjak…

Gjithë studimi morri jetë nga eksperienca personale e Zernicka-Goetz, e cila ngeli shtatzanë me fëmijën e saj të dytë në moshën 44 vjeçare. Në rastin e saj Viliocenteza (analizë) evidentoi anomali në ¼ e qelizave të plaçentës, por pas lindjes erdhi në jetë një fëmijë i shëndetshëm. Duke folur me ekspertët e gjenetikës ajo zbuloi si ishte e mundur të ndodhte diçka e tillë. Sipas tyre ky zëvendësim ndodh në rast se qelizat janë në një raport 50/50, duke bërë të mundur që qelizat jo normale të zëvendësohen dhe fëmija të dalë i shëndetshëm. Ky është një studim me rëndësi të madhe për gratë me moshë të madhe që kërkojnë të sjellin në jetë një fëmijë.