Këngëtarja e njohur Eli Fara përveç karrierës dhe këngëve të bukura njihet edhe për marrëdhënien e saj shumë të ngushtë me të bijën Marina. Të dyja shpesh postojnë foto me njëra-tjetrën k u duken më shumë si dy shoqe sesa si nënë e bijë.
Por a do të kishte dashur Eli Fara të bënte një fëmijë tjetër?
Kjo ka qenë pyetja e drejtuar nga dy moderatoret Aulona dhe Fatma në emisionin e tyre Thumb. Këngëtarja e serenatave korçare është përgjigjur se kurrë nuk ka dashur të ketë vetëm një fëmijë. Dëshira e saj e përherhsme ka qenë që të lindte të paktën tre fëmijë. Arsyet përse kjo gjë nuk ka ndodhur, sipas Eli Farës ka qenë profesioni i saj shumë impenjativ dhe koha e kaluar shumë shpejt. Ajo thotë se njeriu mendon gjithmonë se ka kohë të bëjë gjërat që do, por në të vërtetë koha ikën shpejt.
Ndërsa arsyeja më kryesore sipas saj është se që të bësh fëmijë duhet të gjesh personin e duhur që do të jetë babai i atij fëmije dhe ajo nuk e ka gjetur gjatë viteve të jetës së saj.
Për të lënë një koment ju duhet të jeni regjistruar Identifikohu