Ato hidratojnë fytyrën, vendosin fondatinë dhe përdorin patjetër rimel, duke i dhënë këtij produkti avantazh përpara produkteve të tjera.
Dhe ndërsa mendoni se make up-i nuk po ju bën ndonjë dëm shumë të madh, një eksperte ka paralajmëruar që sa i përket rimelit, duhet të mos e vendosni çdo ditë të javës.
Sipas Ceri Smith-Jaynes, një okuliste dhe zëdhënëse e Shoqatës së Okulistëve në Londër, ka theksuar se rimeli mund të shkaktojë dëme serioze në sytë tuaj.
Duke folur për The Sun Online, Ceri shpjegoi se vendosja në mënyrë të vazhdueshme e rimelit, mund të shkaktojë një infeksion serioz dhe mund të dëmtojë cipën e lotëve.
Ajo tha: “Në përgjithësi, çdo produkt kozmetik i aplikuar rreth zonës së syrit mund të shkojë në sy në pak minuta. Disa rimele janë shumë fibroze dhe i irritojnë sytë e pacientëve, e të tjera produkte kozmetike mund të dëmtojnë cipën e lotëve, që supozohet të mbulojë sipërfaqen e syrit.
Nëse kjo cipë demtohet, lotët rrjedhin më shpejt dhe syri bëhet më i thatë duke çuar në acarim.
Ekspertja tha gjithashtu se si shishet e rimelit ka gjasa të kontaminohen me bakteret që jetojnë në lëkurën tuaj pas disa muajsh, duke rritur shanset e infeksionit.
Ajo këshilloi njerëzit që t’i kushtojnë vëmendje të madhe simboleve që tregohen sipër shishes së rimelit. Për shembull nëse është 3M këshillohet që rimeli të përdoret për tre muaj dhe jo më shumë.
Pas kësaj duhet ta hidhni produktin dhe të përdorni një të ri.
Për të lënë një koment ju duhet të jeni regjistruar Identifikohu