Arbana Osmani prej disa muajsh është bërë nënë e dy fëmijëve tashmë dhe herë pas here ndan në rrjetet sociale ekpseriencën e saj të mëmësisë.
Në një pyetësor të zhvilluar në Instagram, ajo tregoi se si ka qenë shkëputja nga puan e fëmijët gjatë shtatzanisë e pas lindjes.
“Filloj punë pas një javë, s’jam shkëputur kurrë nga djali, jam në ankth. Ndonjë këshillë të lutem”, e ka pyetur dikush Arbanën dhe ajo ka ndarë eksperiencën e saj, e cila është e ndryshme me secilin nga fëmijët:
“Kur linda Jonin unë kam marrë 2 vite pushim nga puna (1 vit shtatzania dhe 1 vit pas lindjes) Kam qenë njeriu më i lumtur në botë, se lindja e tij më rilindi si njeri, por të them të drejtën puna dhe rutina ime e zakonshme më mungonte shumë dhe e vuaja shkëputjen. Nuk kisha besim tek asnjë dado dhe mendoja që nëse do shkëputesha sado pak nga ai , do ndodhte diçka e ndjesitë e fajit nuk më linin të bëja asgja. Kështu u bëra një “nënë shembullore” por një grua e paplotësuar pa punën dhe pasionet e mia. Me Diellin vendosa të mos shkëputem aq gjatë nga puna dhe jam përpjekur të gjej një ekuilibër, por sërish kam ndjesi faji kur shkëputem për më shumë se disa orë. Është e vështirë të jesh working mom, por është besoj më stërmunduese të jesh full time mom nëse e dashuron punën tënde si unë. Kështu që mos u ndje në faj nëse puna të plotëson dhe të bën të lumtur. Mama e lumtur, fëmijë i lumtur, mos harro”, është përgjigjur moderatorja.
Për të lënë një koment ju duhet të jeni regjistruar Identifikohu