Të gjithë e dimë se konsumimi i tepërt i kafeinës është i dëmshëm, por kur vjen puna tek pijet energjike problemet shëndetësore që ato shkaktojnë janë më të mëdha se një mbidozë e thjeshtë kafeine. Një studim i ri tronditës, i publikuar në “Frontiers in Public Health” është bërë lajmi kryesor në mbarë botën pasi ka zbuluar rreziqet që shkaktohen nga konsumimi i pijeve energjike.
Disa nga rreziqet e zbuluara nga ky studim janë si më poshtë:
Shkaktojnë probleme mendore
Adoleshentët që kosumojnë pije energjike janë më të rrezikuar për të rënë në depresion dhe kanë më shumë mundësi për të kryer vetëvrasje. Ndërsa të rriturit që konsumojnë pije energjike raportojnë nivele të larta stresi, depresioni dhe gjumë të pa rehatshëm.
Dëmton veshkat
Kafeina e tepërt është lidhur me sëmundjet e veshkave pasi shkakton presion të lartë të gjakut, dhe gjithashtu një përbërës tjetër i pijeve energjike është taurina e cila mendohet të shkaktojë sëmundje kronike të veshkave.
Diabet të tipit 2
Pijet energjike rrisin shanset për të zhvilluar diabet të tipit 2, madje edhe versionet e tyre dietike, pa sheqer, janë të rrezikshme pasi konsumi i lartë i tyre redukton ndjeshmërinë ndaj insulinës.
Probleme kardiovaskulare
Konsumi i tëpërt i pijeve energjike mund të shkaktojë probleme serioze për zemrën tuaj. Pijet energjike mund të shkaktojnë presion të lartë të gjakut dhe përshpejtim së të rrahurave të zemrës. Madje në disa raste ato kanë shkaktuar arrest kardiak dhe vdekje.
Probleme me dhëmbët
PH acid dhe sasia e madhe e sheqerit në këto pije mund t’ju shkaktojnë probleme të mëdha me dhëmbët tuaj.
lexoni dhe:Kafeina dhe femijet
')}
Për të lënë një koment ju duhet të jeni regjistruar Identifikohu