Ata që vuajnë më shumë nga pasojat e kufizimeve për shkak të koronavirusit, janë më të rinjtë. Fëmijët dhe adoleshentët u privuan nga hapësirat shoqërore. Në shkollë, momentet e kontaktit janë pothuajse zero; nuk ka më momente loje dhe argëtimi me grupin e shokëvee shoqeve, nëse nuk ndërmjetësohet nga një kompjuter ose tablet. Koha e kaluar me prindërit rritet, por edhe tensionet rriten.

Sot, fokusi është në diagnostikimin dhe trajtimin e koronavirusit tek pacientët. Sidoqoftë, shumë adoleshentë po përjetojnë efekte të rënda afatgjata, duke filluar me çrregullime të të ngrënit.

Alarm shoqëror për buliminë dhe anoreksinë

Laura Dalla Ragione, udhëheqëse e rrjetit për çrregullime të ngrënies të USL 1 të Umbrisë tha: “Trauma pandemike për më të vegjëlit. Rastet e çrregullimeve të ngrënies janë duke u rritur me 30% në këtë periudhë të urgjencës së koronavirusit dhe fatkeqësisht shkalla e vdekshmërisë është rritur me të njëjtën përqindje”.

Mosha e fillimit të sëmundjes ulet

Çrregullimet e të ngrënit kanë gjithmonë origjinë traumatike dhe sigurisht që efektet e pandemisë që po përjetojmë përfaqësojnë një traumë për fëmijët dhe adoleshentët. “Rastet janë përhapur gjithmonë në të gjitha rajonet me një incidencë që është 10% e vajzave të reja midis moshës 12 dhe 25 vjeçare. Një numër – shpjegon Dalla Ragione – tashmë i nënvlerësuar dhe që nuk i merr parasysh meshkujt, por që gjithsesi gjatë vitit 2020 është vërejtur rritje.

Pesëdhjetë përqind e rasteve të diagnostikuara rishtazi përfshijnë buliminë nervore. Pjesa tjetër është e lidhur me anoreksinë nervore e cila manifestohet me fiksim të peshës trupore dhe kufizim të marrjes së ushqimit me momente të ngrënies së tepërt, duke ndikuar në peshë.