Të kujdesesh për një fëmijë prematurë nuk është e lehtë dhe një prej shqetësimeve më të mëdha të nënave është zhvillimi i fëmijës. Pasi keni llogaritur se cilës moshe i takon zhvillimi i fëmijës tuaj, mund të ndiqni zhvillimin e tij përkatës.

Zhvillimi i një fëmije 16 javësh (4 muajsh)

Zhvillimi motorik

• I bashkon të dyja duart ose i çon në gojë;
• I ngre duart me furi nga lart poshtë;
• Kërkon të kapë objektet;
• Përpiqet të kthehet në anën tjetër ndërsa është me bark poshtë.

Zhvillimi gjuhësor

• Kthen kokën dhe ndjek zërat e familjarëve;
• Qesh dhe nxjerr klithma;
• Kombinon tinguj si për shembull “aaahh-ooohh”, “gaaaa-gooo”;

Aktivitetet

• Kupton më mirë;
• Vendos sende në gojë;
• Bhet më aktiv kur shikon një lodër;

Zhvillimi social/emocional

• Është tepër aktiv ndërsa është me prindërit dhe personat e tjerë të dashur;
• Tregon interes ndaj pasqyrave, qesh dhe është tepër i gjallë;
• Është në gjendje të vetëqetësohet.