Ka aq shumë gjëra për të menduar kur jemi shtatzanë. Të gjitha ato simptoma të pakëndshme, zgjedhja e emrit të foshnjës, gëzimi që prisni të ndjeni pas lindjes, e gjitha është një erë ndryshimesh.
Ajo që deri tani keni ditur me siguri për periudhën e shtatzanisë është që nuk mund të ngelni shtatzanë, ndërkohë që jeni shtatzanë.
Apo ndoshta ekziston mundësia?
Ekziston një fenomen jashtëzakonisht i rrallë i quajtur superfetacion në të cilin një grua mund të mbetet shtatzanë me një embrion të ri ndërsa tashmë shtatzanë me një tjetër.
Kur kjo të ndodhë, personi është shtatzanë me dy foshnje, por ata nuk janë binjakë në kuptimin e zakonshëm të fjalës. Në rastin e superfetacionit, një fëmijë është më i madh se tjetri, zakonisht me disa javë.
Mos u shqetësoni, mësuesi juaj i biologjisë në shkollën e mesme nuk ju mashtroi. Normalisht kur dikush mbetet shtatzanë, zhvendosja hormonale që ndodh në trup ndalon ovulimin (lëshimin e një veze tjetër), prandaj ndalojnë dhe menstruacionet kur jeni shtatzanë.
Megjithatë në rastin e superfetacionit, për arsye që nuk janë kuptuar mirë, ovulimi ndodh përsëri pas konceptimit të foshnjës së parë. Dhe nëse çifti kryen marrëdhënie seksuale ose fekondim gjatë asaj dritare pjellore, ata mund të krijojnë përsëri.
Kjo kthesë e papritur e ngjarjeve kohët e fundit u bë realitet për një grua të quajtur Rebecca Roberts nga Anglia. Pasi mori trajtime pjellorie, ajo mbeti shtatzanë: në fillim, ishte vetëm një fëmijë. Por sipas raportit të saj për Good Morning America, në ekografinë e saj 12-javore, Roberts mësoi se jo vetëm që ishte shtatzanë me dy foshnje, por njëra prej tyre ishte rreth tre javë më e vjetër se tjetra.
Shqetësimet me kordonin e kërthizës së vajzës së saj nxitën lindjen urgjente në javëne 33. Ndërsa Roberts dhe ekipi i saj mjekësor shqetësoheshin për rezultatet e mundshme, të dyja foshnjet po ecin mirë pasi kaluan kohë në inkubator pas lindjeve të tyre.
Megjithatë ju mos kaloni shumë kohë duke u shqetësuar se kjo do t’ju ndodhë. Edhe nëse ndodh, është akoma shumë e mundur që të keni një shtatzani të shëndetshme me foshnje të shëndetshme – dhe një histori shumë interesante për të treguar.
Lexo edhe: Shenjat për të kuptuar ovulimin
Për të lënë një koment ju duhet të jeni regjistruar Identifikohu