E quan “të pështirë” se po ushqente foshnjën me gji

Nje burre i panjohur e ka quajur te peshtire nje nene qe ushqente me gji te birin ne publik. nderkohe qe disa gra te tjera e kane perqafuar duke i ofruar shume mbeshtjetje.




0 0

Kur nëna australiane Ashley Rogers kishte nevojë të ushqente me gji djalin e saj në një qendër tregtare, ajo zgjodhi me kujdes një vend të izoluar larg turmave, ku ajo, foshnja e saj dhe vajza e saj shtatë vjeçare mund të qëndronin “të fshehtë”. Megjithatë, ajo e gjeti veten në qendër të zemërimit të befasishëm të një burri.

Kur dëgjoi një burrë duke bërtitur, ajo nuk e kuptoi se kishte ndonjë lidhje me të, derisa u kthye për t’u përballur me të, dhe pikërisht aty filloi abuzimi.

“Ju jeni e pështirë, mbulohuni, unë mund të shoh gjirin tuaj,” i bërtiti i huaji. Rogers, me të drejtë e zemëruar, i tha atij që po ushqente djalin e saj vetëm 4 muajsh, por ai vazhdonte të bërtiste, duke përsëritur fjalën “e pështirë” pa pushim dhe duke i thënë të mbulohej.

Njerëz të tjerë filluan t’i ngulnin sytë, të tërhequr nga bërtitja, dhe më pas ndodhi diçka që ju jep zemër. “Këto tri gra të bukura më përqafuan dhe më vunë krahët rreth meje dhe më puthën në ballë,” tha Rogers. Ato e pyetën nëse ishte mirë, dhe ajo shpërtheu në lot, mirënjohëse për shfaqjen e mbështetjes publike.

Skena do të ishte shqetësuese për çdo nënë, por për Rogers ishte veçanërisht e dhimbshme, duke pasur parasysh problemet shëndetësore të foshnjës së saj. Djali i saj Archie, i cili duhej të lindte që 37 javësh, kishte pasur probleme për të marrë peshë: në moshën 4 muajsh, ai kishte madhësinë e një të porsalinduri , kështu që ishte edhe më thelbësore që ajo të ushqente atë sipas nevojave të tij.

Ashtu si kaq shumë gra, ajo luftoi për të ushqyer me gji, dhe pothuajse hoqi dorë disa herë. Por pas gjashtë javësh, gjithçka më në fund filloi të shkojë pa probleme, dhe Archie po rritet gjithnjë e më i fortë çdo ditë falë përpjekjeve të nënës së tij.

Në vend që të frikësohej nga abuzimi i të huajit, Rogers gjeti frymëzimin për të ndihmuar gratë e tjera që mund të kishin turp të ushqehen me gji në publik. Ajo hapi një blog të quajtur nënat dhe qumështi, ku paraqet histori nga nënat e tjera që ushqejnë me gji, si dhe të vetat.

“Këtij njeriu dua t’i them, shko të hash drekën tënde në një banjë me erë të keqe me një batanije mbi kokën tënde – më trego si është”, tha ajo për personin me të cilin kishte ndodhur skena e pakëndshme. “Për këto gra të mahnitshme që më mbështetën dhe një zotëri të bukur, faleminderit, nga thellësia e zemrës sime. Ju jeni arsyeja që unë do të vazhdoj të ushqej fëmijën e zbuluar në publik! ”

Lexo edhe: Gjidhënia dhe pompimi në publik, ka edhe gra kundër



Për të lënë një koment ju duhet të jeni regjistruar Identifikohu



Materiale te ngjashme

Oligosaharidet e qumështit njerëzor dhe...

Qumështi i gjirit është jashtëzakonisht kompleks. Çdo pikë e qumështit të gjirit përmban mijëra molekula të ndryshme që veprojnë se bashku në harmoni të plotë, si muzikantët e një orkestre,...

A mund të ha karcof...

Karcofi dhe ushqyerja me gji Nënat që ushqejnë fëmijët me gji duhet të hanë mirë sepse duhet të plotësojnë kaloritë e humbura gjatë ushqyerjes me gji, dhe t’i japin fëmijës...

Qumështi i nënës, një antibiotik...

Një substancë antibiotike (glicerina monolaurate, GML) është identifikuar në qumështin e gjirit në gjendje të mbrojë fëmijën nga baktere të caktuara dhe të afta për të promovuar rritjen e mikroorganizmave...

Rrëfëhet nëna: Ja pse ndalova...

Ushqyerja me gji është provuar prej kohësh si mënyra më e mirë për të ushqyer të porsalindurin. Por, ndonjëherë thjesht nuk është e mundur për nënat dhe nuk është rruga...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X