Aette Abildgaard u përball me një situatë shumë të vështirë sepse mori fëmijën e saj në punë. Të martën, ligjvënëses daneze iu kërkua që të largohet nga seanca, sepse ajo kishte sjellë vajzën e saj me vete.

Në një postim në Facebook, Abilgaard thotë se ishte e tronditur kur Pia Kjaersgaard, kryetarja e parë femër e Parlamentit në Danimarkë, i dorëzoi asaj një shënim që lexonte: “Ju nuk jeni e mirëpritur me fëmijën tuaj në sallën e parlamentit“.

 “Unë nuk kërkova leje për ta sjellë atë pasi kisha parë më parë një kolege tjetër që sillte një fëmijë në sallë pa asnjë problem,” shkroi Abildgaard. Ajo shtoi se ishte hera e parë që ajo kishte sjellë vajzën e saj pesë-vjeçare, Esther Marie, dhe e bëri këtë vetëm sepse burri i saj nuk ishte në gjendje ta mbante fëmijën.

Anëtarët e tjerë të parlamentit, si Pernille Skipper, kanë mbështetur ligjvënësen 30-vjeçare, e cila shpjegoi se Estera ishte krejtësisht e sjellshme, duke u ulur në heshtje me një biberon në gojën e saj.

Skipper shkroi në mediat sociale, “Ajo nuk mund të shqetësonte askënd për sa kohë që nuk bënte zhurmë dhe nuk qante”.

Megjithatë, Kjaersgaard, 72 vjeçe, qëndron në vendimin e saj. Megjithatë, Abildgaard nuk është politikanja e parë femër që merr fëmijën e saj në punë. Jo vetëm që ka ndodhur në Danimarkë më parë (kur Laura Lindahl solli fëmijën e saj në një seancë në vitin 2016), por po bëhet edhe më e zakonshme në mbarë botën.

Vjeshtën e kaluar, kryeministrja e Zelandës së Re, Jacinda Ardern madje u bë gruaja e parë që mori pjesë në Asamblenë e Përgjithshme të Kombeve të Bashkuara me një fëmijë.

Lexo edhe: Senatorja qe lindi femijen ne parlament