Jana Kramer është aktore dhe këngëtare dhe ka pak më shumë se një javë që ka sjellë në jetë fëmijën e saj të dytë. Në këtë fazë ndryshimesh fizike, jetësore dhe emocionale nënës së re i duhet të përballet edhe me komentet negative të njerëzve që e shajnë për transformimin e trupit të saj.
“Dua t’ju them disa gjëra sepse me të vërtetë jam e acaruar nga komentet tuaja. Doja të postoja një foto të barkut sepse doja të ndaja me ju udhëtimin tim, por është e pabesueshme sa të vrazhdë mund të jenë njerëzit me komente. Unë nuk kam një kuzhinier personal, nuk jam shumë e pasur kështu që nuk kam bërë palestër çdo ditë. Kam bërë lindje me operacion. Kam akoma dhimbje e komplikime dhe vazhdoj të pi ilaçe. Kam bërë tre operacione në bark.
Pse duhet ta krahasojmë veten me të tjerët dhe të turpërojmë njëri-tjetrin? Udhëtimi i secilit është i ndryshëm. Trupat tanë janë të ndryshëm ata reagojnë ndryshe, e marrin veten ndryshe dhe thjesht duken ndryshe”.
Ajo e mbyll shkrimin me një kërkesë për të gjitha nënat e gratë.
“A ka mundësi të mos e vendosim veten në një proces krahasismi? Le ta provojmë”.
Lexo edhe: Si ndryshon trupi i gruas pas lindjes
Për të lënë një koment ju duhet të jeni regjistruar Identifikohu