Kanë kaluar disa muaj që kur këngëtarja Xhensila Myrtezaj dhe bashkëshorti i saj, aktori Besart Kallaku janë bërë prindër të vajzës së tyre të parë Ajka. Që atëherë çifti nuk ka publikuar asnjë foto të vajzës dhe kjo gjë, së fundmi ka nxitur një komentuse t’i drejtohet shumë ashpër Xhensilës.

Komentuesja i ka shkruar se e bija është me ndonjë sindromë prandaj dhe nuk ka asnjë foto publike të saj.

Shumë e prekur nga ky koment, këngëtarja ka reaguar si rrallëherë, duke mbrojtur privatësinë e saj dhe pafajësinë e së bijës.

Ajo ka bërë gjithashtu thirrje për mediat që të bëjnë verifikime përpara se të publikojnë të tilla lajme, të cilat përlyejnë një fëmijë të pafajshëm.

“Njeri i ndyrë, njeri psiqik. Vajza ime gëzon shëndet të plotë, e na gezon çdo ditë . Është dritë dielli pa asnjë mangësi. Ta them unë pse nuk e nxjerr vajzën, është aq e pastër e kulluar saqë nuk dua ta bëjnë pis as portalet, as shpirtrat e humbur si puna juaj. Kurrë s’kam replikuar me asnjë koment , po kjo është e pavërteta më e shemtuar që më kanë lexuar sytë. Për të gjithë plehrat e sëmurë si puna juaj, ferri është pak, që prekni në pastërtinë e ëngjëjve me të pavertetat më monstruoze. Të shpikej deri këtu, kurrë. Dhe ju portaleve, do ju lutesha të mos bini në nivel të sëmurësh shpirtërisht dhe të bëni lajm nga ky mllef e dashakeqësi. Bëhuni më profesionalë dhe mos u bashkoni në llum”, është përgjigjur Xhensila.