Ky është një shqetësim që prek shumë gra shtatzëna, kryesisht gjatë javëve të fundit  të shtatzanisë për shkak të ndryshimeve që pëson trupi i saj, ndër të cilat duhet të përmendim më kryesori, ndryshimin e hormoneve. Mund të jetë një shqetësim që shfaqet gjithashtu edhe gjatë javëve të para të shtatzanisë.

Si të lehtësojmë simptomat?

• Nuk duhet të konsumoni vakte shumë të bollshme, por vakte të shpeshta dhe me pak ushqim;
• Evitoni ushqimet që favorizojnë irritimin e mukozës së ezofagut (kafeja, çaji, koka kola, pijet alkolike, ushqimet e skuqura ose pikante);
• Hani ngadalë duke përtypur ushqimin me kujdes për pak minuta;
• Pini shumë ujë larg vakteve, duke evituar pirjen gjatë vakteve;
• Mos u shtrini apo ulni pasi keni ngrënë. Bëni më mirë një shëtitje në ajër të pastër;
• Flini gjumë duke mbështetur kokën dhe shpatullat në një jastëk në mënyrë që të mbështesni në mënyrë korrekte trupin;
• Mos vishni veshje të ngushta në zonën abdominale, por veshje të bollshme që në javët e para të shtatzanisë.

Lexoni dhe: A është normale që të vjellat në shtatzani të shoqërohen me gjak?