Është provuar se ushqime të caktuara kanë efekt pozitiv në memorien dhe aftësitë e bebit për të mësuar, dhe disa të tjera mund të ndikojnë negativisht në zhvillimin e trurit të . Këtu është një listë me ushqimet që duhet të konsumoni dhe ato që duhet të shmangni.
Merrni vitamina çdo ditë
Duke marrë suplemente multivitaminash në shtatzani do të siguroheni që bebi të marrë të gjitha vlerat ushqimore për të cilat ka nevojë, si acidet folike dhe vitaminën B 12 të cilat i nevojiten për krijimin e qelizave të kuqe të gjakut.
Omega 3
Peshku është i pasur me Omega 3 dhe acide yndyrore të cilat ndihmojnë në zhvillimin e trurit të bebit. Në një studim të kryer nga “Harvard Medical School” sa më shumë peshk të konsumojë nëna gjatë trimestrit të dytë aq më larta do të shënojnë rezultatet e bebit në testin e zhvillimit mendor në moshën 6 mujore.
Kujdes nga mërkuri
Peshku është shumë i mirë për trurin e bebit por ju duhet të bëni kujdes. Përqëndimi i lartë i mërkurit në disa lloje peshku mund të jetë i dëmshëm. Ekspertët këshillojnë shmangien e llojeve të mëdhenj si peshkaqeni dhe peshku shpat, dhe në vend të tyre të përdoren peshq më të vegjël si salmoni, mustaku dhe karkalecat.
Konsumoni shumë fruta e perime
Frutat dhe perimet përbajnë antioksidantë të cilët janë shumë të mirë për bebin pas ato mbrojnë indet e trurit nga dëmtimet. Zgjidhni fruta dhe perime me ngjyrë të theksuar si perimet jeshile, boronicat e domatet.
Shmangni alkoolin
Megjithëse pasojat fatale vijnë vetëm nga abuzimi i madh me alkoolin në shtatzani edhe konsumi në mënyrë të moderuar mund të shkaktojë dëmtime në trurin e bebit.
Merrni sa më shumë hekur
Nevojat tuaja për hekur dyfishohen në shtatzani pasi hekuri ndihmon me shpërndarjen e oksigjenit në qelizat e trurit. Por shumë femra fillojnë një shtatzani duke pasur mungesë hekuri, por duhet të dini se nëse nuk keni hekur mjaftueshëm furnizimi i trurit të bebit me oksigjen nuk bëhet siç duhet. Kjo shkakton nivel të ulët të inteligjencës dhe zhvillim të ngadaltë të trurit.
')}
Për të lënë një koment ju duhet të jeni regjistruar Identifikohu