Dihet që aktiviteti fizik dhe një dietë e shëndetshme janë pozitive gjatë nëntë muajve të pritjes, sepse ato përmirësojnë shëndetin e nënës dhe të fetusit. Tani është zbuluar gjithashtu se ato me të vërtetë mund të zvogëlojnë shanset e lindjes me anë të operacionit cezarian. Pse dieta e shëndetshme dhe aktiviteti fizik kanë këtë efekt?
Rregullat e vlefshme për të gjitha
Pavarësisht nga mosha e gruas, indeksi i masës trupore, gjendja e saj mjekësore dhe etnia, dieta e shëndetshme, aktiviteti dhe mënyra e jetesës duhet të jenë pjesë e rutinës prenatale të të gjitha nënave të ardhshme. Obeziteti i nënës dhe shtimi i peshës gjatë shtatzënisë, në fakt, e vënë nënën dhe fëmijën në rrezik, si gjatë shtatëzanisë dhe më pas.
Analiza e 12.500 nënave të ardhshme
Hulumtuesit vlerësuan efektet e dietës dhe aktivitetit fizik në foshnjat që kishin lindur me mënyrën cezariane, duke analizuar të dhënat nga pjesëmarrësit në 36 studime të ndryshme, për një total prej 12,500 grash. Kështu u pa se një dietë e shëndetshme dhe aktiviteti fizik mund të zvogëlojnë rrezikun e të pasurit një operacion cezarian.
A e dini se?
Një grua që ndjek një dietë të duhur dhe praktikon aktivitet fizik të rregullt ka një rrezik më të ulët për të zhvilluar diabet gestational, hipertension në shtatzëni dhe preeklampsi.
Lexo edhe: 8 arsyet pse mjeku mund t’ju rekomandoje lindje me operacion
Për të lënë një koment ju duhet të jeni regjistruar Identifikohu