Sa më shpejt të zhvillohet sëmundja, aq më të mëdha janë ndërlikimet. Diabeti i tipit 1 është një formë e veçantë e diabetit, e cila ndodh shpesh në fëmijëri ose adoleshencë. Sipas një studimi të ri, nëse kjo sëmundje zhvillohet te fëmijët nën 10 vjeç mund të shoqërohet me shumë më tepër komplikime që rrezikojnë shëndetin.

Pasojat mbi jetëgjatësinë

Studimi, i publikuar në revistën Lancet, është nga një grup studiuesish në Universitetin e Gothenburg, Suedi, të cilët kanë shqyrtuar më shumë se 27 mijë diabetikë (dhe 135 mijë njerëz të shëndetshëm si një grup kontrolli). Studimi gjeti se gratë që zhvillojnë diabetin e tipit 1 që fëmijë mesatarisht kanë një jetëgjatësi të shkurtuar me 18 vjet në krahasim me moshataret të cilat nuk e kanë sëmundjen, ndërsa për burrat jetëgjatësia është shkurtuar me 14 vjet. Megjithatë, me ata që sëmuren nga 26 deri në 30 vjeç, sëmundja është më pak e ashpër, duke reduktuar jetëgjatësinë e tyre për 10 vjet.

Goditja dhe sulmi në zemër: rreziku u rrit dhjetë herë

Hulumtimi gjithashtu gjeti se, në rast të fillimit para 10 vjeç, pacientët me diabet të tipit 1 kërcënohen dhjetëra herë më shumë për të pasur komplikime të rënda kardiovaskulare, duke përfshirë sulmin në zemër dhe infarktit.

Një sëmundje kronike

Diabeti i tipit 1, i njohur si “diabeti i ri”, është një sëmundje kronike e karakterizuar nga vlerat e rritura të glukozës në gjak, për shkak të mungesës së sekretimit të insulinës (hormon që lejon ruajtjen e nivelit të duhur të glukozës në gjak) për shkak të shkatërrimit të qelizave që prodhojnë këtë hormon. Është një çrregullim autoimun, sistemi imunitar reagon gabimisht duke sulmuar dhe shkatërruar qelizat e shëndetshme në trupin tuaj, dhe mbahen nën kontroll me terapinë e insulinës.

Parandalimi është i rëndësishëm

Parandalimi i komplikimeve është shumë i rëndësishëm për të përmirësuar cilësinë e jetës së këtyre pacientëve.

Lexo edhe: Dy gota qumesht mbajne femijet larg nga diabeti