Dhuna në kopështe nuk ndodh vetëm në vendin tonë, ndodh në të gjitha vendet e botës, por ato vende zgjedhin mënyrën e duhur për të trajtuar problemin madhor në fjalë. Ngjarja e radhës ka ndodhur ne Vercelli të Italisë, ku gjatë një operacioni të koduar “Të gjithë përtokë” policia ka arritur të arrestojë edukatoret pas denoncimit të një nëne. Pas autorizimit të prokurës, në kopësht janë instaluar kamerat që bënin të mundur ndjekjen në kohë reale të asaj që ndodhte në kopësht nga policia e cila ka arritur të arrestojë jo pak raste dhune, por plot 52!
Stop dhunës!
Stop dhunës së gruas në ditën ndërkombëtare të sensibilizimit dhe stop dhunës ndaj fëmijëve në të gjitha rastet dhe vendet, për të gjitha “arsyet” e botës! Nga vendosja e kamerave në të gjithë cepat e kopështit janë filmuar 52 raste dhune nga ku 20 tepër të rënda.
Keqtrajtimet ishin të shumta dhe pamjet tregojnë se edukatoret shtynin, gjuanin, i ulërisnin, ndëshkonin ekstremisht fëmijët e kopështit, të cilët poshtëroheshin dhe terrorizoheshin nga mësueset. Disa fraza që janë regjistruar janë “të bëj të shkojë koka në anën tjetër, “të bëj që të bien të gjithë dhëmbët në tokë”.
Për këto edukatore dukej se kjo gjë ishte më normalja në botë, dhe madje tregonin me njëra-tjetrën si keqtrajtonin fëmijët duke thënë edhe “ja kam futur me shishe në kokë një fëmije” e madje edhe autorizonin njëra-tjetrën për të dhunuar fëmijët.
Mësueset e arrestuara janë 3 nga skuadra e forcave të Vercellit me akuzën e dhunës ndaj të miturve si edhe vendosjen e terrorit brenda kopështit. Janë marrë gjithashtu edhe dëshmitë e prindërve.
Lexo edhe:
Cfare po ndodh me edukatoret tona?
')}
Për të lënë një koment ju duhet të jeni regjistruar Identifikohu