Higjena e gojës së fëmijës është shumë e rëndësishme që në vegjëli, dhe ky kujdes duhet të fillojë që në zgjedhjen e pastës së dhëmbëve. Duhet të evitoni përdorimin e atyre me përmbajtje fluori deri në vitin e parë të jetës, dhe më pas të përdoren me shumë kujdes pasta me përmbajtje shumë të vogël fluori deri në vitin e dytë. Sipas një studimi të kryer nga Universiteti i North Carolina në Chicago, i cili është publikuar në “Hournal of the American dental association”, përdorimi i pastës me përmbajtje fluori deri në vitin e parë të jetës mund të shkaktojë në dhëmbët e fëmijës shfaqjen e disa njollave të errëta.

Mendimet e ekspertëve

Edhe pse përfundimet e studimeve kanë pasur teoritë pro dhe kundër, ekspertët e vërtetojnë me statistika, se përdorimi i pastës me fluor pas vitit të dytë të jetës do të bënte që fëmija të kishte shanse më të vogla për të shfaqur probleme me dhëmbët. Pra nga mosha 24 mujore ju mund të përdorni një pastë me përmbajtje shumë të vogël fluori, ndërsa nga viti i 6 i jetës mund të përdoret edhe një pastë për të rritur, pra e zakonshme në mënyrë që të parandalohet formimi i kariesit.

Kujdes edhe nga burimet e tjera të fluorit

Pasta e dhëmbëve nuk është i vetmi burim fluori, sepse ajo substancë mund të merret edhe nëpërmjet disa ujërave minerale, nëpërmjet medikamentëve etj. Nëse fëmija nuk di ende të pështyjë mund edhe të mos përdorni pastë dhëmbësh.

Lexoni dhe: Kur dhe si ti lajme dhembet e bebit?