Por kur bëhet fjalë për emrin e një personi, për të cilin prindërit vendosin për një vit dhe më pas fëmija do të jetojë me atë emër për dekadat e ardhshme, çfarë do të thotë në të vërtetë “trendi”?

Duke qenë se ajo që është trendi tani mund të mos jetë më trendi pas disa vitesh ju ftojmë të ndiqni disa këshilla:

1. Shmangni emrat e frymëzuar nga një fenomen si për shembull nga një këngë pop. Emri “Linda” arriti kulmin e përdorimit pas publikimit të këngës së Jack Lawrence “Linda” në 1946.
2. Frymëzohuni nga emrat që kanë qenë modernë tre deri në katër dekada më parë. Në vitin 1964, emri Denin shpërtheu dhe askush nuk ka arritur të kuptojë pse. Në vitin 2016, ky emër konsiderohej i çuditshëm dhe aspak modern.
3. Shmangni emrat që ngjiten në renditje shpejt. Ndoshta emri juaj i preferuar kaloi nga numri 250 në renditje në numrin 25 në vetëm pak vjet, dhe kjo mund të ketë qenë mënyra se si ju tërhoqi vëmendjen. Edhe pse vitin tjetër mund të jetë në rënie përdorimi i këtij emri, ai gjithashtu mund të bëjë që në klasën e fëmijës suaj të ketë disa emra të tillë.
4. Mos u stresoni për të gjetur trendin e radhës. Emri Linda, i cili tingëllon mjaft tradicional në ditët e sotme, është emri më modern i të gjitha kohërave dhe ju jep një kuptim të asaj që kërkojnë prindërit e rinj të sotëm: diçka unike. Kanë kaluar dekada që kur një emër i vetëm mund të kapte 5 për qind të lindjeve, dhe me një grup emrash kaq të larmishëm, është e vështirë të parashikosh se çfarë mode do të dalë më pas.

Kjo do të thotë se zgjedhja më e mirë është të zgjidhni një emër që ju pëlqen për shkak të asaj që do të thotë për ju, pavarësisht nëse ka lidhje familjare ose e doni origjinën e tij gjuhësore dhe mënyrën si tingëllon.

Në fund të fundit, tendencat ndryshojnë, por kujtoni se do të thoni çdo ditë emrin e foshnjës tuaj për pjesën tjetër të jetës tuaj.

Lexo edhe: 19 fazat neper te cilat prinderit kalojne gjate perzgjedhjes se emrit te bebes